يران ءيزرايلدىڭ زىمىران سىناعىن ايىپتادى: باتىس ەلدەرى نەگە ءۇنسىز؟

وتكەن اپتادا يزرايل اسدۋد اتتى اۋە بازاسىندا جاڭا زىمىران سىناعىن ءساتتى وتكىزگەنىن حابارلادى. يران يسلام رەسپۋبليكاسى ءيزرايلدىڭ زىمىران سىناعىن ايىپتاپ، بۇل ارەكەت باتىس ازيانىڭ ءتىپتى دە اسكەريلەنۋىنە تۇرتكى بولاتىنىن ايتقان.

تەھران مالىمدەمەسىندە ءيزرايلدىڭ باتىس ازياداعى (باتىستا تاياۋ-شىعىس دەپ اتالادى) بىردەن ءبىر يادرولىق قارۋعا يە ەل ەكەنىن جانە سىناقتان وتكىزىلگەن زىمىراننىڭ يادرولىق وق تۇمسىق تاسىمالداۋعا قابىلەتتى ەكەنىن باسا ايتادى. «يران يادرولىق قارۋدان ازات ايماق ۇستانىمىن جالعاستىرىپ جاتقاندا، يزرايل زىمىران سىناعى ارقىلى ءوزىنىڭ يادرولىق جانە زىمىران كۇش-قۋاتىن ارتتىرىپ وتىر»، – دەيدى تەھران مالىمدەمەسىندە.

سونداي-اق، يران ءيزرايلدى حالىقارالىق كەلىسىمدەردى ورىنداماي كەلەدى دەپ ايىپتايدى. تەھراننىڭ ايتۋىنشا، 80-نەن استام يادرولىق قارۋعا يە يزرايل حالىقارالىق كەلىسىمدەر مەن مىندەتتەمەلەردى ورىنداماي كەلەدى. ءتىپتى، يادرولىق قارۋدى تاراتپاۋ تۋرالى NPT كەلىسىمىنە قول قويماعانىن العا تارتادى.

يران باتىس ەلدەرىنىڭ يزرايل وتكىزگەن زىمىران سىناعىنا رەاكتسيا تانىتپاعانىنا نارازى. ەلدىڭ ءسىم باسشىسى جاۆاد زاريف ءوزىنىڭ «تۆيتتەر» پاراقشاسىندا: «باتىس الپاۋىتتارى باتىس ازياداعى جالعىز يادرولىق ارسەنالى بار ەلدىڭ زىمىران سىناعىنا ۇنسىزدىك تانىتىپ وتىر. ال، يراننىڭ ءوزىن قورعاۋ ءۇشىن دامىتقان قورعانىس قۇرالدارىنا باتىس ەلدەرىنىڭ «جۇرەگى ۇستاپ قالا»، –دەپ جازدى.

يران تارابى باتىس ەلدەرىنىڭ بۇل ارەكەتى يادرولىق قارۋ ماسەلەسىندە باتىس ەلدەرى زاڭسىز جانە ادىلەتسىز كوزقاراستا وتىر دەپ سانايدى.

“The Qazaq Times”