ديماشتى الەمگە تانىتقان، ديماش ارقىلى قازاقتىڭ اتىن ايگىلەگەن قىتايداعى «ءانشىمىن» جوباسى دا سوڭعى مەجەسىنە تاياپ كەلەدى. ەستەرىڭىزدە بولسا، ديماش وتكەن توعىزىنشى تۋردا كانادالىق اتاقتى ونەر جۇلدىزى سەلين ديوننىڭ «All by myself» ءانىن ورىنداپ, ەكىنشى ورىننان كورىنگەن بولاتىن.

بۇل جولى ديماش و.بايسەڭگىردىڭ سوزىنە جازىلعان ءوز ءانى «ۇمىتىلماس كۇن» ءانىن قازاق جانە قىتاي تىلدەرىندە ايتىپ، ءۇشىنشى ورىننان كورىندى جانە فينالعا جولداما الدى. بۇيرتسا، جاس تالانت ەندى بايقاۋدىڭ سوڭعى سىنىندا ونەر كورسەتەتىن بولادى.

ءاندى قازاق تىلىندە جانە قىتاي تىلىندە اسپانداتا شىرقاعان اسقاق داۋىستى ءانشىمىز، وسى جولى دا ءوزىنىڭ جۇزدەن جۇيرىك، مىڭنان تۇلپار ەكەندىگىن ايگىلەپ، ميللياردتتىڭ ىشىنەن قارا ءۇزىپ،  فينالعا ءوتتى.

سەنىڭ جەتىستىگىڭ كۇللى قازاقتىڭ قۋانىشى، ءانىڭ اۋەلەي بەرسىن ءانشى ديماش!

«ۇمىتىلماس كۇن»

ءبىر كورگەننەن عاشىق بولدىم وزىڭە،

ەركەلەگەن بالداي ءتاتتى سوزىڭە.

قىلىعىنمەن باۋراپ الدىن جانىمدى،

قاراي بەردىم نۇرعا تولى جۇزىڭە.

 

پاي، پاي، شىركىن، ۇمىتىلماس كۇن،

پاي، پاي، شىركىن، ۇمىتىلماس كۇن.

 

اڭساپ كۇتكەن ارمانىم سەن،

الاۋلاعان تاڭدارىم سەن.

الا تاڭداي قالايتىن،

اڭساعانىم سەن.

 

جۇرەككە ەشكىم جۇرگىزە الماس ءامىرىن،

سوندىرە الماس سەزىمىمنىڭ جالىنىن.

باقىتتىممىن بۇل الەمگە سەنى ەگەر،

تاعدىرىما تارتۋ ەتسە تاعدىرىم.

 

پاي، پاي، شىركىن، ۇمىتىلماس كۇن،

پاي، پاي، شىركىن، ۇمىتىلماس كۇن.

 

اڭساپ كۇتكەن ارمانىم سەن،

الاۋلاعان تاڭدارىم سەن.

الا تاڭداي قالايتىن،

اڭساعانىم سەن.

“The Qazaq Times”