اقش پرەزيدەنتى دونالد ترامپ قىتايمەن ساۋدا كەلىسسوزىنىڭ ءساتتى ءوتىپ جاتقانىن مالىمدەدى. بىراق، پرەزيدەنت ترامپ كەلىسسوز ناتيجەسى قالاي دا قۇراما شتاتتار ءۇشىن ءتيىمدى بولۋى كەرەك ەكەنىن ايتتى. 

"مەنىڭ ويىمشا، قىتايمەن ساۋدا كەلىسسوزدەرى وتە جاقسى ءجۇرىپ جاتىر. ەگەر ءبىز ءوز ويلاعانىمىزداي كەلىسىمگە قول جەتكىزسەك، وندا بۇل تاڭعاجايىپ كەلىسىم بولار ەدى. ەگەر ءدال سونداي اۋقىمدى كەلىسىم بولماسا، مەن وعان قول قويمايمىن", – دەدى اقش پرەزيدەنتى وتكەن اپتا سوڭىندا. ول جانە: "مەنىڭ كەلىسىمگە كەلگىم كەلەدى، بىراق ول دۇرىس كەلىسىم بولۋى كەرەك", – دەپ مالىمدەدى.

ترامپتىڭ ايتۋىنشا قىتاي اقش-قا قاراعاندا كەلىسىمگە كوبىرەك مۇددەلى، سەبەبى قىتاي سوڭعى 57 جىلداعى ەڭ قيىن جاعدايدا تۇر. ول قىتايدىڭ قازىرگى جاعدايىن جارىلعالى تۇرعان جۇمىرتقاعا ۇقساتقان.

اقش  پەن قىتاي اراسىندا ساۋدا سوعىسىن توقتاتۋ ماقساتىندا كەلىسسوزدەر ءبىر ايدان بەرى ءجۇرىلىپ كەلەدى.

“The Qazaq Times”