«اقش سۇرياداعى مۇناي كەندەرى ءۇشىن عانا ارەكەت ەتىپ وتىر». بۇنداي مالىمدەمەنى رەسەيدىڭ ءسىم باسشىسى سەرگەي لاۆروۆ جاسادى. ونىڭ ايتۋىنشا اقش تەرروريزمگە قارسى كۇرەستە تاباندىلىق تانىتپاي وتىر.

رەسەي سىرتقى ىستەر ءمينيسترى سەرگەي لاۆروۆ رەسەيلىك تەلەارنالارعا بەرگەن سۇحباتىندا اقش-تىڭ ءسۇريادا مۇناي كونتراباندالىعىمەن اينالىسىپ وتىرعانىن ايتقان. ول سوزىندە: «ۋشينگتون سۇرياداعى توپتاردى مۇناي ساۋداسىنان تۇسكەن تابىسىمەن قارجىلاندىرىپ وتىر»، – دەگەن.

لاۆروۆتىڭ ايتۋىنشا داماسك بيلىگى مۇناي كەنىشتەرىن ءوز باقىلاۋىنا الۋعا تىرىسۋدا، الايدا، اقش بۇعان كەدەرگى كەلتىرىپ وتىر. جاقىندا عانا رەسەيدىڭ ءسىم تارابى اقش ءسۇريادا زاڭسىز مۇناي ءوندىرىپ وتىر دەپ ايىپتاعان بولاتىن. مالىمدەمەدە ايتىلۋىنشا، اقش ءسۇريانىڭ سولتۇستىك-شىعىس اۋماعىندا زاڭسىز مۇناي وندىرىسىنەن ايىنا 30 ملند دوللار كولەمىندە تابىس تاۋىپ وتىر.

“The Qazaq Times”