كوللادج: QazaqTimes

سولتۇستىك كورەيانىڭ بالليستيكالىق زىمىراندارى جانىنداعى وڭتۇستىك كورەيا مەن بىرگە جاپونيا جانە اقش تەريتورياسىنىڭ ءبىراز جەرلەرىنە باعىتتالىپ تۇرعانىن ءوڭىردىڭ ەڭ جوعارعى باسشىسى كيم چەن ىن كيم 1 قاڭتارداعى تەلە باعدارلامادا، پحەنيان قۇرلىق ارالىق بالليستيكالىق راكەتا جاساۋدىڭ سوڭعى باسقىشىنا كەلگەنىن ايتىپ تۇرىپ ەسكەرتكەن ەدى.

6 ناۋرىزدا سولتۇستىك كورەيا 4 باليستيكالىق زىمىرانىن جاپون تەڭىزىن نىساناعا الىپ اتقان ەدى. جاپوندىقتار اتىلعان زىمىرانداردىڭ ۇشەۋىنىڭ مىڭ شاقىرىمداي ارالىقتان ۇشىپ كەلگەنىن مالىمدەگەن.

سولتۇستىك كورەيا ءوز مالىمدەمەسىندە وسى ءتورت بالليستيكالىق زىمىراندى جاپونياداعى اقش بازالارىنا سوققى بەرۋ جاتتىعۋى دەپ تۇسىندىرگەن.

راكەتالارنىڭ امەريكا شەكاراسىنا دەيىن ۇشىپ بارا الاتىنىن ايتقان كيم چەن ىن “كحدر شىعىستاعى اسكەري ءوڭىر” دەپ اتاپ، ونى جەڭىۋگە ەڭ قۇدىرەتتى جاۋلاردىڭ دا كۇشى جەتپەيدى دەگەن.

12 اقپاندا كحدر باسشىسى كيم چەن ىن ءوزى كوزدەن كەشىرگەن رەكاتالىق سىناقتىڭ ءساتتى بولعانىن حابارلاعان ەدى. وسىعان وراي شىعىس ازيا ەلدەرىندە ەندى ساقتىق شارالارى باستالىپ كەتتى.

بي-بي-ءسيدىڭ قىرعىز قىزمەتى بۇگىن جاپونيادا العاش رەت سولتۇستىك كورەيا راكەتالىق سوعىس اشسا، بەيبىت تۇرعىنداردى قالاي ەۆاكۋاتسيالاۋ كەرەك دەگەن ازاماتتىق جاتتىعۋ وتكەنىن حابارلادى.

قيمىلعا اكيتا پرەفەكتۋراسىنداعى وگا قالاسىنىڭ جۇزگە تارتا تۇرعىنى تارتىلىپ، ولاردىڭ ءبارى جەرگىلىكتى مەكتەپتىڭ جاڭا قالالىق سپورت كومپلەكسىنىڭ عيماراتىنا ەۆاكۋاتسيالانعان.

شىعىس ازياداعى اقش-تى جاقتايتىن ەلدەر ەندى قورعانىسقا كوشە باستادى. اقش مەدەسىمەن سايكەسە المايتىن قىتاي مەن رەسەي شىعىستاعى ءىرى يادرولىق دەرجاباعا جاتاتىن سولتۇستىك كورەيانى اشىق بولماسادا قولدايتىنى انىق. بۇل تەكە تىرەس اينالىپ كەلگەندە اقش، قىتاي، رەسەي شينەلىسىنىڭ اشىققا شىعۋى. كحدر-عا جاقىن ورنالاسقان  وڭتۇستىك كورەيا مەن جاپونيا اقش قا جاقتاس بولعاندىعى ءۇشىن اتىلعان العاشقى زىمرانداردىڭ زيانىن كوپ تارتارى انىق. سول ۇشىندە ولار ساقتىق شارالارىن بارىنشا كۇشەيتە تۇسپەك.  اقش مەملەكەتتىك حاتشىسى تيللەرسون وسى اپتاداعى بەيجىڭ ساپارى بۇل ءتۇيىندى قانشالىقتى شەشەدى ونى الداعى حابارلاردا ايتاتىن بولامىز.

«The Qazaq Times»