يران ءسىم وكىلى مۋساۆي كەلىسسوز تۋرالى اقپاراتتى تەرىسكە شىعاردى. فوتو: Egypt Today.

بۇعان دەيىن بىرقاتار ەلدىڭ اقپارات قۇرالدارىندا رەسەيدىڭ بىتىمگەرشىلىك ارەكەتتەرىنىڭ نەگىزىندە اقش-يران سىرتقى ىستەر ۆەدومستۆولارى اراسىندا كەلىسسوزدەر جۇرگىزىلىپ جاتقانى ايتىلعان ەدى. الايدا، يران سىرتقى ىستەر مينيسترلىگى بۇل اقپاراتتى جوققا شىعاردى.

يران سىرتقى ىستەر ءمينيسترىنىڭ ءباسپاسوز حاتشىسى سەيد ابباس مۋساۆي يران مەن اقش اراسىندا رەسەيدىڭ ارا اعايىندىعىمەن كەلىسسوزدەردىڭ باستالعانى تۋرالى مالىمەتتەردى «قاۋەسەت» دەپ باعالادى. ول يران-اقش اراسىندا كەلىسسوزەر بولماعانىن ايتا كەلىپ: «يران ەشبىر دەڭگەيدە اقش-پەن كەلىسسوز جۇرگىزبەيدى»، – دەدى.

يراننىڭ رۋحاني كوسەمى اياتوللا حومەيني يران اقش-تىڭ قازىرگى ۇكىمەتىمەن ەشقانداي كەلىسسوزگە كەلە المايتىنىن ايتقان. ەكى ەلدىڭ كەلىسسوزگە دەگەن تالاپتارى تىم الشاق ەكەنى بەلگىلى. يران 2015 جىلعى كەلىسىمدى ساقتاۋدى قۋاتتاعان. الايدا، اقش ۇكىمەتى بۇل كەلىسىمدى جارامسىز دەپ سانايدى. قۇراما شتاتتار تارابى يراندى ەكونوميكالىق قىسىمدار ارقىلى جاڭا كەلىسسوزگە كەلتىرگىسى كەلەدى.

“The Qazaq Times”