سولتۇستىك كورەيا ۇكىمەتى اقش پرەزيدەنتىنىڭ سانكتسيا شەشىمدەرىن ايىپتاپ، نارازىلىق ءبىلدىردى. پيوڭياڭ (پحەنيان) جاساعان رەسمي مالىمدەمەدە «اقش-تىڭ سولتۇستىك كورەياعا پراكتيكالىق تۇرعىدا دۇشپاندىق جاساپ وتىرعانىن» ايتقان.

اقش پرەزيدەنتى دونالد ترامپ جاقىندا عانا وڭتۇستىك كورەياعا جاساعان ساپارى كەزىندە ەكى كورەيانىڭ سيمۆولدىق شەكارا ايماعى پانمىنجومدا سولتۇستىك كورەيا ليدەرىمەن ءۇشىنشى رەت كەزدەسكەن ەدى. دەگەنمەن، پرەزيدەنت ترامپ كەزدەسۋدەن كەيىن جاساعان مالىمدەمەسىندە سولتۇستىك كورەياعا باعىتتالعان ەكونوميكالىق سانكتسيالاردىڭ جالعاسا بەرەتىنىن ايتقان.

سولتۇستىك كورەيانىڭ كەزەكتى ايىپتاۋىندا اقش پرەزيدەنتىنىڭ كحدر-نا قاراتا دۇشپاندىق ارەكەتكە بارعالى وتىرعانىن العا تارتادى. مالىمدەمە ايتىلۋىنشا، اقش پرەزيدەنتى بۇۇ مۇشەلەرىنە حات جولداپ، سولتۇستىك كورەياعا بىرىككەن سانكتسيا سالۋعا شاقىرعان جانە سولتۇستىك كورەيالىق جۇمىسشىلاردى شەكارادان شىعارۋدى تالاپ ەتكەن. پيوڭياڭ ترامپتىڭ بۇل ارەكەتىن «سولتۇستىك كورەياعا قارسى پراكتيكالىق تۇرعىداعى دۇشپاندىق ارەكەت» دەپ باعالاعان.

“The Qazaq Times”