بىشكەكتە ازاماتتىق بەلسەندى سىبايلاس جەمقورلىققا قارسى نارازىلىققا شىقتى

ازاماتتىق بەلسەندى ريتا كاراسارتوۆا بىشكەكتە پارلامەنت عيماراتى الدىنا سىبايلاس جەمقورلىققا قارسى نارازىلىققا شىقتى.

ول قىرعىز پرەزيدەنتى سوورونباي جەەنبەكوۆكە ۇندەۋ جىبەرەتىنىن مالىمدەدى. وندا ول كوررۋپتسياعا قارسى قىزمەتتى ۇلتتىق قاۋىپسىزدىك جونىندەگى مەملەكەتتىك كوميتەتتەن الىپ تاستاۋ تۋرالى تالاپ قويماق، سەبەبى، ونىڭ ايتۋىنشا، جابىق ورگان جەمقورلىقپەن ءتيىستى دەڭگەيدە كۇرەسە المايدى.

سونىمەن قاتار، ريتا كاراسارتوۆا اق ۇيگە تەرگەۋ كوميتەتىن قۇرۋ ءۇشىن قول جيناۋعا كەلگەندىگىن ايتادى.

ء"بىز، سونداي-اق، سىبايلاس جەمقورلىق ىستەرى بويىنشا سوت ىستەرىندەگى اشىقتىقتى سۇرايمىز. زالدا كامەرالار قويىلعان دەيدى، الايدا بىزگە ول ۆيدەولاردى كورۋگە رۇقسات جوق", - دەدى ول.

ايتا كەتەيىك، ول وسىدان بىرەر كۇن بۇرىن Facebook الەۋمەتتىك جەلىسىندە حالىقتى ەلدەگى جەمقورلىقپەن كۇرەسۋگە شاقىرعان ەدى. ول: ءبىز قازىر ناقتى ماقساتى بار رەفورمالاردى تالاپ ەتپەسەك، ەشتەڭە وزگەرمەيدى. ءسىزدىڭ ەلدەگى جەمقورلىقپەن كۇرەسۋ جۇمىستارىنا كوڭىلىڭىز تولا ما؟ ءسىزدىڭ ۇلتتىق قاۋىپسىزدىك كوميتەتىنىڭ جۇمىسىنا كوڭىلىڭىز تولا ما؟ بيۋدجەتتىڭ ميلليونداعان قارجىسى كولەڭكەلى جولمەن باسقا جاققا كەتىپ جاتقانىمەن جانە بارلىق كۇرەس ساياسي رەپرەسسياعا اينالىپ جاتقانىمەن كەلىسەسىز بە؟",  دەپ جازدى ول Facebook پاراقشاسىندا.

"The Qazaq Times"