كورول سالمان اراب ليدەرلەرىن شۇعىل ماجىلىسكە شاقىردى

ساۋد ارابياسىنىڭ كورولى سالمان يبن ابدۋلازيز اراب ەلدەرىنىڭ ليدەرلەرىن جانە شىعاق ىنتىماقتاستىق كەڭەسىنىڭ مۇشەلەرىن 30 مامىر كۇنى مەككەدە باس قوسۋعا شاقىردى.

ساۋد ارابيانىڭ سىرتقى ىستەر مينيسترلىگىنىڭ وكىلى سول ەلدەگى SPA اقپاراتتىق اگەنتتىگىنە بەرگەن مالىمەتىندە،  كورول سالمان كەزەكتى جينالىس ارقىلى ايماقتاعى قاۋىپسىزدىك پەن تۇراقتىلىقتى كۇشەيتۋ ءۇشىن كەڭەس قۇرۋدى ماقسات ەتىپ وتىرعانىن ايتادى. سونداي-اق، اراب ەلدەرى ليدەرلەرىنىڭ جەدەل جينالىسقا شاقىرىلۋىنا ساۋد ارابياسىنىڭ مۇناي تاسۋشى كەمەلەرى مەن مۇناي ستانسالارىنىڭ قاۋىپكە ۇشىراۋى سەبەپ بولعانىن دا راستاعان.

ساۋد ارابياسى وتكەن اپتادا ەكى مۇناي ستانساسىنا اۋە شابۋىلى جاسالدى دەپ حابارلادى. سونداي-اق، اپتا سوڭىندا ساۋد ارابياسىنا تيەسىلى ساۋدا كەمەلەرى ءباا ماڭىندا شابۋىلعا ۇشىراعانىن جەتكىزگەن.

30 مامىر مەن 1 ماۋسىم ارالىعىندا مەككە قالاسىندا وتەتىن 14 كەزەكتى يسلام ەلدەرى سامميتىندە يران ماسەلەسى دە باستى تاقىرىپ بولارى ءسوزسىز. سەبەبى، ساۋد ارابياسى يراندى اراب تۇبەگىنىڭ قاۋىپسىزدىگىنە قاتەر ءتوندىرۋشى رەتىندە باعالايدى.

“The Qazaq Times”