دونالد ترامپ تاعى ءبىر مارتە كونگرەسس شەشىمىنە ۆەتو قويدى. اقش كونگرەسى وسىنىڭ الدىندا يەمەندە سوعىسىپ جاتقان ساۋد ارابياسى باستاعان كواليتسيا كۇشتەرىنە اسكەري قولداۋ كورسەتۋدى توقتاتۋ شەشىمىن شىعارعان ەدى.

اتالعان قارار وسىدان ءبىر اي بۇرىن سەناتتا 46-قا قاراسى 54 داۋىسپەن قابىلدانعان، ال ەكى اپتا بۇرىن وكىلدەر پالاتاسىندا 247 وكىل ماقۇلداپ باسىم داۋىسپەن قابىلدانعان شەشىم بولاتىن.

پرەزيدەنت ترامپ كونگرەسس شەشىمى قۇراما شتاتتىڭ ىقپالىن السىرەتەدى دەپ قارايدى. سەنات پەن وكىلدەر پالاتاسى اتالعان ماسەلەنى تالقىلاپ جاتقان كەزدىڭ وزىندە، اق ءۇي تارابى بۇل شەشىمنىڭ قابىلدانۋىنا قارسى بولعان.

اقش كونگرەسى جۋرناليست حاشوگگيدىڭ ولىمىنە جانە يەمەندەگى سوعىستىڭ جاعدايىنا بايلانىستى اسكەري قولداۋ كورسەتۋدى توقتاتۋ ماسەلەسىن قاراستىرعان بولاتىن.

“The Qazaq Times”