گوللانديادا تۇركيالىق ازامات جولاۋشىلارعا وق جاۋدىردى

دۇيسەنبى كۇنى گوللانديانىڭ ۋترەحت قالاسىندا بولعان اتىستان 3 ادام قازا تاۋىپ، بىرنەشە ادام جاراقات الدى. پوليتسيا جاعى قىلمىس كۇماندىسىنىڭ تۇركيادا تۋىلعانىن انىقتاعان.

اتىس وقيعاسى ۋترەحت قالاسىنداعى ترامۆايدا بولعان. قولىنا قارۋ العان كۇدىكتى جولاۋشىلارعا وق اتقان. پوليتسيا تاراۋى قارۋلى شابۋىل جاساۋشىنىڭ ارتىندا ۇيىمداسقان قىلمىستىق توپتىڭ دا بار بولۋى مۇمكىن ەكەنىن ايتقان.

گوللانديانىڭ تەرروريزمگە قارسى تۇرۋ قىزمەتى ەلدە لاڭكەستىك قاۋىپتىڭ جوعارى دارەجەدەگى قاتەرى تۋرالى ەسكەرتۋ جاسادى. سونىمەن قاتار، قارۋلى شابۋىلدىڭ تەررورلىق سيپاتىنا تالداۋ جاساۋدا.

گوللانديانىڭ جەرگىلىكتى ۋاقىتىمەن دۇيسەنبى كۇنى تۇستەن كەيىن بولعان اتىستان كەيىن، پوليتسيا سول ماڭداعى پاتەرلەردى قورشاۋعا العان. الايدا، قازىرگە دەيىن كۇدىكتى قولعا تۇسپەگەن.

ال، نەمىس ساقشىلارى بولسا گوللانديامەن شەكارالاس ايماقتاردا ساقتىقتى كۇشەيتىپ، كۇدىكتىنى تۇتقىنداۋعا كومەكتەسپەك.

“The Qazaq Times”