يران يراك پرەزيدەنتتەرى باعداتتا كەزدەستى. فوتو: يرنا.

يران پرەزيدەنتى حاسان رۋحاني مەن يراك پرەزيدەنتى بارحام سالەحپەن باعداتتا رەسمي كەزدەسۋ وتكىزدى. كەزدەسۋدە يران-يراك اراسىنداعى قارىم-قاتىناس پەن تەرروريزمگە ورتاق قارسى تۇرۋ ماسەلەسى تالقىلانعان.

يران پرەزيدەنتى كەزدەسۋدە يراكتىڭ تەرروريزمگە قارسى كۇرەس جانە وڭىرلىك قاۋىپسىزدىك ماسەلەسىندە يراندى قولداعانىن جوعارى باعالاعان. «يراكتىڭ تۇراقتىلىعى مەن قاۋىپسىزدىگى ءبىز ءۇشىن اسا ماڭىزدى. سەبەبى، يراكتىڭ قاۋىپسىز، تۇراقتى بولۋى ءوڭىردىڭ قاۋىپسىزدىگىنە كەپىل بولا الادى. ەكى ەل تاريحي كورشى ەلدەر بولعاندىقتان تەھران يراكپەن بارلىق سالادا قارىم-قاتىناستى جاقسارتۋعا نيەتتى»، – دەدى حاسان رۋحاني.

بارحام سالەح تە يراننىڭ دايش-كە قارسى كۇرەستە يراكتى تاباندى قولداعانىنا العىس ءبىلدىردى. يران ءسىم باسشىسى جەۆاد زاريف ەكى ەل اراسىندا ۆيزاسىز قاتىناس ورناتۋدى ۇسىنىس ەتتى.

“The Qazaq Times”