Photo: kg.akipress.org

قىرعىز دەپۋاتى كەنجەبەك بوكوەۆ "قىرعىز رەسپۋبليكاسىنىڭ پرەزيدەنتى مەن جوعارى كەڭەس دەپۋتاتتارىن سايلاۋ" تۋرالى زاڭعا تۇزەتۋلەر ەنگىزۋدى ۇسىندى.

ونىڭ ۇسىنىسى بويىنشا، ەلدەگى ەڭ جوعارى ساياسي لاۋازىمعا ۇمىتكەرلەرگە، سونىمەن بىرگە، دەپۋتاتتىق مانداتقا قويىلاتىن تالاپتاردى كۇشەيتۋ كەرەك.

"ۇسىنىلعان تۇزەتۋلەرگە سايكەس، اۋىر نەمەسە اسا اۋىر قىلمىس جاساپ سوتتالعان ازاماتتار قىلمىسىنىڭ وتەلگەنىنە قاراماستان، پرەزيدەنتتىكە نە دەپۋتاتتىققا ۇمىتكەر بولا المايدى.  قازىرگى قولدانىستاعى زاڭعا سايكەس، كەز-كەلگەن مەملەكەتتىك لاۋازىمعا ۇمىتكەرلەر، سونىڭ ىشىندە جەرگىلىكتى جوعارى كەڭەسكە سايلاۋعا ۇمىتكەرلەر ءۇشىن جوعارى ءبىلىم تالاپ ەتىلەدى. بىراق، مۇنداي زاڭ قىرعىزستان پرەزيدەنتتىگىنە جانە جوعارى كەڭەش دەپۋتاتتىعىنا ۇمىتكەرلەرگە مىندەتتى ەمەس. ال اتالعان زاڭجوباسى پرەزيدەنتتىككە جانە پارلامەت دەپۋتاتتىعىنا ۇمىتكەرلەرگە دە وسى تالاپتى ەنگىزۋدى ۇسىنادى", - دەدى ول.

الايدا، دەپۋتات مىقتىبەك ابدىلداەۆتىڭ ايتۋىنشا، پرەزيدەنت اكىمشىلىگى مەن باس پروكۋراتۋرا بۇل ۇسىنىستارمەن كەلىسپەيدى جانە بۇل تۇزەتۋلەرگە ۆەتو قويۋى مۇمكىن.

"The Qazaq Times"