ماكەدونيا ەلىنە جاڭا مۇمكىندىكتەر اشىلدى. سەبەبى، گرەكياداعى ءبىر ايماقپەن اتتاس بولعانى ءۇشىن ۇزاق ۋاقىتتان بەرى ناتو مەن ەۋرووداققا كىرە الماي جۇرگەندىگى بەلگىلى.
2018 جىلدىڭ 17 شىلدەسى كۇنى ماكەدونيا مەن گرەتسيا ەلى گرەكتەردىڭ پرەسپەسە قالاسىندا ماكەدونيا اتاۋىن سولتۇستىك ماكەدونيا دەپ وزگەرتۋ تۋرالى كەلىسىمگە قول قويعان. الايدا، ماكەدون پارلامەنتى قارسى شىعىپ، بۇل ءىس تەز ارادا ورىندالا قويمادى. ارادا ءبىراز ۋاقىت وتكەننەن كەيىن، 120 دەپۋتاتتىڭ 81-ءى وزدەرىنىڭ قولدايتىندىقتارىن ءبىلدىرىپ داۋىس بەرىپ، جاڭا مۇمكىندىكتەرگە جول اشتى. ەندى اتالعان زاڭ ماكەدونيا پرەزيدەنتى گەورگە يۆاننىڭ قول قويۋىنان كەيىن زاڭدى كۇشىنە ەنەتىن بولادى.
ەستەرىڭىزگە سالا كەتەيىك، ماكەدونيا باسشىسى وسىدان ءبىراز ۋاقىت بۇرىن اتالعان زاڭعا قول قويۋدان باس تارتقان بولاتىن. سەبەبى، مۇنىڭ ەشقانداي ماڭىزى بولمايتىندىعىن جەتكىزگەن. الايدا، افينالىقتار ماكەدونيا ەسىمى 1991 جىلى يۋگوسلاۆيا مەملەكەتى قۇلاعاننان كەيىن پايدا بولىپ، تاريحي ەسكەرتكىشكە تولى ايماققا قاتىسى بولماعاندىعىن العا تارتقان ەدى. سونىمەن قاتار، اركەز ناتو مەن ەۋرووداق ۇيىمىنا كىرۋگە بەرگەن وتىنىشتەرىن بۇعاتتاپ وتىردى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
ەكس-مينيستر ايەلىن ساباپ ءولتىردى دەگەن كۇدىكپەن ۇستالدى