گرۋزيا پرەزيدەنتى سالومە زۋرابيشۆيلي ايلىق جالاقىسىنان باس تارتتى. بۇل تۋرالى گرۋزيانىڭ جاڭادان سايلانعان باسشىسى العاشقى ءباسپاسوز-كونفەرەنتسياسىندا مالىمدەگەن. ەندى پرەزيدەنتتىڭ جالاقىسى قايىرىمدىلىق ماقساتىندا جانە يننوۆاتسيانى ىنتالاندىرۋ ءۇشىن ارنايى اشىلعان قورعا اۋدارىلماق.
زۋرابيشۆيلي: « قايىرىمدىلىق پەن يننوۆاتسيانى قارجىلاندىرۋعا پرەزيدەنت اركەز سەپتىگىن تيگىزۋى ءتيىس. ءدال وسى تۇستى، جاڭادان قور اشىپ ءوزىمنىڭ ايلىق جالاقىمدى اۋدارىپ وتىراتىن بولامىن. سونىمەن قاتار، مەنىڭ سوڭىمنان جالعاستىراتىندار دا بار بولاتىندىعىنا سەنىمىم مول» دەپ ءوز پىكىرىن اشىق جەتكىزدى.
2018 جىلدىڭ 28 قاراشاسىندا «گرۋزين ارمانى» پارتياسىنىڭ اتىنان پرەزيدەنتتىككە ءوز كانديداتۋراسىن ۇسىنعان سالومە زۋرابيشۆيلي سايلاۋدىڭ ەكىنشى كەزەڭىندە جەڭىسكە جەتكەن بولاتىن. گرۋزيا ورتالىق سايلاۋ كوميسسياسىنىڭ شىعارعان قورىتىندىسى بويىنشا، 100 پايىزدىق كورسەتكىشتىڭ 59,52 پايىزىنا يە بولعان ازاماتشا گرۋزيانىڭ العاشقى نازىك جاندى باسشىسى اتاندى.
ەستەرىڭىزگە سالا كەتەيىك، سالومە زۋرابيشۆيلي ءوز جالاقىسىنان باس تارتقان العاشقى پرەزيدەنت ەمەس. اقش-تىڭ قازىرگى باسشىسى دونالد ترامپتا ءوز كەزەگىندە 400 000 اقش دوللارىنان باس تارتىپ، تەك، 1 دوللار جالاقىعا جۇمىس ىستەيتىندىگىن مالىمدەگەن بولاتىن. سونىمەن قاتار، دجون كەننەدي مەن گەربەرت گۋۆەر دە ءوز ۋاقىتىندا باسشىلىققا تيەسىلى جالاقىلارىن الۋدان باس تارتقان ەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟