قىرعىزستاندا جانارماي باعاسى تومەندەدى

قىرعىزستاندا 2019 جىلدىڭ باسىنان باستاپ جانارماي باعاسى تومەندەدى. بۇل تۋرالى قىرعىز ۇلتتىق ستاتيستيكالىق كوميتەتى مالىمدەدى.

كوميتەتتىڭ ايتۋىنشا، قاڭتاردىڭ ءبىرى مەن توعىزى ارالىعىندا بەنزيننىڭ باعاسى 0,26 سۋمعا ارزاندادى. بۇعان دەيىن  باعاسى 46,35 سۋم بولسا، قازىر 46,09 سۋم تۇرادى.

سونداي-اق، ديزەل وتىنى دا 0,52 سۋمعا ارزانداپتى. بۇرىن تۇرعىندار سولياركانى 46,17 سۋمعا ساتىپ العان بولسا، قازىر 45,65 سۋمعا ساتىپ الا الادى.  ال، ا-92 بەنزينىنىڭ باعاسى - 43,24 سۋم، ا-80 - 41,04 سۋم.

جالپى، 2018 جىلدىڭ قورىتىندىسى بويىنشا، ا-95-ءتىڭ ورتاشا باعاسى 46,53 سۋمدى، ا-92 — 44,12 جانە ا-80 — 41,71 سۋمدى قۇراعان.

"The Qazaq Times"