ءسۇريانى قايتا قۇرۋعا قاجەتتى قارجىنى ساۋد ارابياسى شىعارماق. بۇل تۋرالى اقش پرەزيدەنتى دونالد ترامپ ءوزىنىڭ الەۋمەتتىك جەلى پاراقشاسىندا مالىمدەدى.

اقش پرەزيدەنتى ترامپ «تۆيتتەر» پاراقشاسىنداعى مالىمدەمەسىندە: «ساۋد ارابياسى قۇراما شتاتتاردىڭ ورنىنا ءسۇريانى قايتا قۇرۋعا بولىنەتىن قارجىنى شىعارۋعا كەلىسىمىن بەردى»، – دەپ جازعان. ول جانە ءسۇريانى قايتا قۇرۋعا قارجى ءبولۋ ءۇشىن 5 مىڭ ميل قاشىقتىقتاعى قۇراما شتاتتان كورى، كورشىلەس باي ەل ساۋد ارابياسىنىڭ كومەكتەسكەنى كوبىرەك ءتيىمدى دەپ سانايتىنىن ايتقان.

سوڭعى كەزدەرى قۇراما شتاتتاردىڭ ورتا شىعىستاعى ستراتەگياسىندا ۇلكەن وزگەرىستەردىڭ بولىپ جاتقانى بەلگىلى. ترامپ ۇكىمەتى ءسۇريادان اسكەرىن شىعارىپ اكەتتى جانە اۋعانستانداعى اسكەر سانىن قىسقارتتى. بۇل ۋاشينگتوننىڭ وڭىردەگى ستراتەگياسىن جاڭارتۋعا تىرىسىپ جاتقانىنان حابار بەرسە كەرەك.

 “The Qazaq Times”