سۋفيان سۇلتان فوتو: aa.com.tr

جەكسەنبى كۇنى يزرايل اسكەرى رامالل قالاسىنداعى يوردان وزەنىنىڭ شىعىس جاعالاۋىنان پالەستينانىڭ اۋىلشارۋاشىلىق ءمينيسترى سۋفيان سۇلتاندى تۇتقىنعا العان.

اقپاراتتارعا سۇيەنسەك، يزرايل اسكەريلەرى پالەستينا ءمينيسترىن كولىكتەن ءتۇسىرىپ، تولىقتاي ءتىنتۋ جاساپ رامالل اۋماعىنا قاراستى گيۆات اساۆ ەلدى-مەكەنىنە جەتكىزگەن. الايدا، بارلىق ءتىنتۋ اياقتالعاننان كەيىن، سۋفيان سۇلتاندى بوساتقاندىعى انىقتالدى.

قازىرگى تاڭدا بۇل ىسكە قاتىستى پالەستينا بيلىگى ءوز مالىمدەمەسىن جاسادى. ولاردىڭ ويىنشا،يزرايل تاراپىنان جاسالعان مۇنداي جاعداي پالەستينا مينيسترىنە جاساعان قىسىم مەن ءتىنتۋ جۇمىستارى حالىقارالىق گۋمانيتارلىق زاڭدىق تالاپتاردى بۇزىپ وتىر.

“The Qazaq Times”