ورمۋز بۇعازىنداعى يران اسكەري جاتتىعۋى. فوتو: انادولى.

پارسى شىعاناعىندا يران اسكەري كەمەلەرى سۇراپىل اسكەري جاتتىعۋلارىن جۇرگىزىپ جاتىر. يران يسلام قورعاۋشىلار ارمياسى وتكىزىپ وتىرعان جاتتىعۋ «ۇلى پايعامبار -12» دەپ اتالادى. بۇل تۋرالى "يرنا" اقپاراتتىق اگەنتتىگى حابارلادى. 

يران قارۋلى كۇشتەرىنىڭ اسكەري جاتتىعۋى حالىقارالىق ەڭ ماڭىزدى مۇناي وتكەلى ورمۋز بۇعازىنا جاقىن ماڭدا وتۋدە. يران قورعانىس تاراۋلارى بۇل جولى العاش رەت شابۋىل وپەراتسيالارىنىڭ اسكەري جاتتىعۋدا سىناپ كورەتىندەرىن مالىمدەپ وتىر.

جاتتىعۋعا اسكەري كەمەلەردەن تىس، شابۋىلشى جانە تاسىمال تىكۇشاقتارى، ۇشقىشسىز ۇشۋ قۇرىلعىلارى مەن قۇرلىق ارمياسىنىڭ مىڭداعان جاساقتارى قاتىسۋدا.

ايتا كەتەيىك، قۇراما شتاتتىڭ «دجون ستەننيس» اتتى ۇشاق تاسىمالداۋشى الىپ اسكەري كەمەسى 21 جەلتوقسان كۇنى پارسى شىعاناعىنا كىرگەن بولاتىن. يران وزىنە باعىتتالعان قىسىمعا قارسى اسكەري-قورعانىس قۋاتىن ايگىلەۋگە تىرىسۋدا.

“The Qazaq Times”