دجەيمس پاتتەرسون. فوتو: ap/tacc

Forbes-تىڭ ەڭ قىمبات جازۋشىلار تىزىمىندە دجەيمس پاتتەرسون كوش باستاپ تۇر.

جازۋشى 2018 جىلى $86 ملن اقش دوللارىن تاپقان. قاداعالاۋشى الەكس كروسس تۋرالى دەتەكتيۆتى شىعارماسى بار كىتابىن تەك امەريكا قۇراما شتاتتارىندا 4,8 ملن ادام ساتىپ العان. ءدال وسىنداي كورسەتكىشپەن اۆتور ونىنشى رەت ءتىزىمنىڭ كوشباسشىسى بولىپ وتىر.

ەكىنشى ورىندى تانىمال "گارري پوتتەر" كىتابىنىڭ اۆتورى دجوان روۋلينگ ەنشىلەدى. 2018 جىلى 55 ملن تاپقان روۋلينگ بىلتىرعى كورسەتكىشىنەن 41 ملن دوللار كەم پايدا تاپقان.

ءۇشىنشى ورىنعا «قورقىنىشتىڭ حانزاداسى» (كورول ۋجاسوۆ) كىتابىنىڭ اۆتورى ستيۆەن كينگ جايعاستى. ءبىر جىلدىڭ ىشىندە اقش-تا 2,7 ملن كىتابى ساتىلعان اۆتور بيىل 27 ملن اقش دوللارىنا قول جەتكىزدى.

سونداي-اق، العاش رەت اتالعان تىزىمگە امەريكا پرەزيدەنتى دونالد ترامپ تۋرالى «وت پەن قاھار» (وگون ي ياروست)  شىعارماسىن جازعان مايكل ۆولففتا كىرىپ وتىر. 2017 جىلدىڭ ماۋسىمىنان 2018 جىلدىڭ ماۋسىمىنا دەيىن 13 ملن اقش دوللارىن تاپقان ۆولفف ۇزدىكتەر قاتارىنا ەنىپ كەلەدى.

"The Qazaq Times"