اقش قىتايلىق ءىرى تەحنولوگيا كومپانيالارىن تىزگىندەيتىن شارا قابىلداماق

اقش ساۋدا دەپارتامەنتى ونەركاسىپتىك قاۋىپسىزدىك باسقارماسى (Department of Commerce, Bureau of Industry and Security, BIS）دۇيسەنبى كۇنى تەحنولوگيالاردى ەكسپورتتاۋعا تاريحتاعى ەڭ قاتاڭ باقىلاۋ ەنگىزىلۋى مۇمكىن دەگەن اڭداتپا حابار تاراتتى. ياعني، وسى حابارلاما ارقىلى جوبانى قوعامدىق تالقىعا ۇسىنعان.

ۇكىمەتتىڭ قاتاڭ رەتتەۋى مەن باقىلاۋىنا الىناتىن 14 ءتۇرلى تەحنولوگيا ءتىزىمى جاساندى ينتەللەكت، چيپتەر، كۆانتتىق ەسەپتەۋ، روبوتوتەحنيكا، بەتوندى باسىپ شىعارۋ جانە داۋىستىق ەپيزود تەحنولوگياسى قاتارلىلاردى ءوز ىشىنە قامتىعان.  بۇل ۇلتتىق قاۋىپسىزدىكتى جانە جوعارى تەحنولوگيالاردى قامتيتىن وزىق تەحنولوگيالاردىڭ نەگىزگى سالاسى بولماق.

، قىتايعا تىكەلەي باعىتتالعان شارا ەكەندىگى ايتىلماعان. دەگەنمەن، ايتپاسا دا، قىتاي قۇراما شتات تەحنولوگيا ەكسپورتىنىڭ ەڭ ۇلكەن بازارى. قۇراما شتاتتىڭ بۇل شاراسىنان قىتايدىڭ كوپتەگەن جوعارى تەحنولوگيا كومپانيالارى اۋىر سوققى قابىلدايدى. ايتالىق، قىتايدىڭ ءىرى تەحنولوگيا كومپانياسى Huawei-دىڭ چيپ تەحنولوگياسىنىڭ جارتىسىنان كوبى قۇراما شتاتقا بايلانعان. سونداي-اق، قىتايلىق ZTE سىندى ءىرى كوممۋنيكاتسيالىق كومپانياسى چيپتەردىڭ ۇلكەن جەتكىزىلىمى اقش-تىڭ چيپ كومپانيالارىنا بايلانعان. اقش-تىڭ ەكسپورتقا شەكتەۋ قويۋى مۇمكىن دەگەن بۇل جاڭالىق ZTE-نى الاڭداتۋدا. ءتىپتى، وسىعان دەيىن دە ءتۇرلى قىسىمدا قالتىراپ تۇرعان كومپانيا كۇيرەۋى دە مۇمكىن.

ەڭ قىزىعى، اقش ساۋدا دەپارتامەنتىنىڭ اتالعان اڭداتپا حابارلاماسىنىڭ مەرزىمى ۋاشينگتون ۋاقىتى 19 قاراشادان باستاپ، بەيجىڭ ۋاقىتى 19 جەلتوقسانعا دەيىن دەپ بەلگىلەنگەن. سونداي-اق، قۇراما شتاتتىڭ وزگە دەپارتامەنتتەرى دە باقىلاۋ ءتىزىمىن جاڭارتادى، تالقىعا سالادى جانە ءوز ۇسىنىستارىن قوسا الادى.

“The Qazaq Times”