اقش-تىڭ سوعىس كەمەلەرى قىتايدىڭ ىرگەسىنە كەلۋگە دايىندالۋدا

پەنتاگون الداعى ۋاقىتتا ەكى بىردەي سوعىس كەمەسىن تايۋان(تايۆان) بۇعازىندا وپەراتسيا جۇرگىزۋگە دايىنداپ وتىر. WSJ باسىلى  رەسمي لاۋازىمدى تۇلعالاردىڭ مالىمەتىنە سىلتەمە جاساي وتىرىپ،  كەزەكتى وپەراتسيانىڭ  بىرنەشە كۇنگە جالعاساتىنىن حابارلاعان بولاتىن.

ال، Reuters اگەنتتىگىنىڭ سەنبى كۇنگى حابارىندا ايتىلعانىنداي، اقش تەڭىز كۇشتەرى كەزەكتى وپەراتسيا ارقىلى، قىتاي قارۋلى كۇشتەرىنە وزدەرىنىڭ تايۋان بۇعازىن  قامتىعان تەڭىز جولدارىندا كەدەرگىسىز وتە الاتىن قۇقىقتارى بار ەكەنىن تاعى ءبىر مارتە ەسكەرتپەك.

شىلدە ايىندا اقش-تىڭ ەكى بىردەي  باسقارىلمالى زىمىراندارعا قارسى اسكەري كەمەلەرى تايۋان بۇعازىنان وتكەن بولاتىن. كەيبىر ساراپشىلار، قايشىلىقتىڭ ءورشىپ تۇرعان كەزىندە اقش-تىڭ مۇنداي قادامعا بارۋى ءوزىنىڭ داۋلى ماسەلەدە كىمدەرگە بولىساتىنىن انىق اڭعارتۋ دەپ قارايدى.

پەنتاگون بۇل ءىس تۋارلى ءالى ەشقانداي رەسمي مالىمدەمە جاساماعانىمەن، اقش قورعانىس ءمينيسترى مەتتيستىڭ وتكەن اپتاداعى سينگاپۋر ساپارىنداعى مالىمدەمەسىندە: «اقش تەڭىز كۇشتەرى كەز-كەلگەن حالقارالىق سۋ ايدىندارىندا ەركىن قاتىنايدى»-,  دەپ كەسىپ ايتقان بولاتىن.

“The Qazaq Times”