ۋكراينادا ناتو كۇشتەرى قاتىسقان اسكەري جاتتىعۋ باستالدى

ۋكراينادا «اشىق اسپان-2018» اسكەري وقۋ-جاتتىعۋلارى باستالدى. جاتتىعۋعا ۋكراينا قارۋلى كۇشتەرىنەن تىس ناتو-عا مۇشە ەلدەر دە قاتىسقان. بۇل تۋرالى «شينلاڭ» اقپاراتتىق سايتى حابارلادى.

ۋكراينا قورعانىس مينيسترلىگى مالىمدەمە جاريالاپ، قۇرلىق، اۋە جانە تەڭىز كۇشتەرىن قامتيتىن اسكەري جاتتىعۋ ەلدىڭ باتىسى مەن ورتالىق ايماقتارىندا وتەتىنىن، 10 كۇنگە سوزىلاتىن جاتتىعۋ 19 قازان كۇنى اياقتالاتىنىن حابارلادى.

قورعانىس مينيسترلىگىنىڭ مالىمەتىنشە، جاتتىعۋعا اقش، ۇلىبريتانيا، بەلگيا، دانيا، ەستونيا، نيدەرلاندى جانە پولشا ەلدەرىنىڭ قارۋلى كۇشتەرى دە قاتىسقان.

اۋە جاتتىعۋلارىندا ۋكراينا اۋە كۇشتەرى مەن ناتو جانە اقش اۋە كۇشتەرى اراسىنداعى تۇسىنىستىكتى ارتتىرۋ ماقساتىندا جاعالاۋلارداعى ۇشىپ قونۋ، اۋە وپەراتسيالارىن بىرگە ورىنداۋ، باسقارۋدى ۇيلەستىرۋ جاتتىعۋلارى جاسالعان.

اقش جانە ناتو-نىڭ وزگە دە مۇشەلەرىمەن وتكىزگەن بۇل جاتتىعۋ ماسكەۋ تارابىنىڭ نارازىلىعىن قوزعاعان بولاتىن.

“The Qazaq Times”