يران پرەزيدەنتى حاسان رۋحاني. فوتو: IRNA.

يراننىڭ ورتالىق قالاسى تەھراندا (تەگەران) وتكەن «كاۋسار» اتتى سوعىس ۇشاقتارىنىڭ تانىستىرىلىمى ءوتتى. جينالىسقا قاتىسقان يران پرەزيدەنتى تۇركيا جانە پاكىستان ەلدەرىمەن بىرلەسە وتىرىپ سوعىس ۇشاعىن وندىرۋگە دايىن ەكەنىن جەتكىزدى. بۇل تۋرالى IRNA اقپاراتتىق اگەنتتىگى حابارلادى.

يران پرەزيدەنتى حاسان رۋحاني جينالىس كەزىندە يراننىڭ جاسالۋ قۇنى تومەن بولعانىمەن ىقپال كۇشى جوعارى قارۋ-جاراق ءوندىرۋدى باستى ورىنعا قويىپ وتىرعانىن ءبىلدىردى. يران ءوزىنىڭ كورشى جانە دوس ەلدەرى سانالاتىن تۇركيا جانە پاكىستانمەن قورعانىس ونەركاسىبى سالاسىندا ىنتىماقتاستىقتى دامىتۋدى قالايتىنىن دا ايتتى.

رۋحاني سوزىندە اتالعان ەلدەرمەن ىنتىماقتاستىقتى دامىتۋ ارقىلى سوعىس ۇشاقتارىن، وزگە دە ماڭىزدى قارۋ-جاراق وندىرۋگە دايىن ەكەنىن جەتكىزدى.

يران باسشىسى ءسوز اراسىندا اقش-تىڭ سانكتسيالارىن دا سىنعا الىپ، بۇل قىسىمدار يراننىڭ كورشىلەس، نيەتتەس ەلدەرمەن ىنتىماقتاستىعىن ودان ارى دامىتۋعا يتەرمەلەگەنىن اتاپ ءوتتى.

“The Qazaq Times”