تۇركيا اقش-تان شىعارىلعان ەلەكترونيكا ونىمدەرىنەن باس تارتپاقشى

تۇركيا پرەزيدەنتى رەجەپ تايىپ ەردوعان اقش-تا شىعارىلاتىن ەلەكترونيكا تاۋارلارىنا بايكوت جاريالايتىنىن مالىمدەدى.

ەردوعاننىڭ سوزىنشە،  اقش ەكونوميكانى تۇركياعا قارسى قارۋ رەتىندە پايدالانۋدا. رەسمي انكارا وسىعان جاۋاپ رەتىندە اقش-تان شىعارىلاتىن ەلەكترونيكاعا بايكوت جاريالايدى. الايدا، پرەزيدەنت ەردوعان بايكوت تۋرالى اشىپ ايتپاعان. ول تەك، تۇركيانىڭ ءىجو كولەمى بويىنشا الەم ەلدەرى اراسىندا 17-ءشى ورىن، ال ساتىپ الۋ قابىلەتىنىڭ تەپە-تەڭدىگى جونىنەن 13-ورىن الاتىنىن اتاعان.

«انكاراعا دەگەن دۇشپاندىق قارىم-قاتىناستىڭ سەبەبى وسىندا... ەگەر، جەرگىلىكتى نەمەسە شەتەلدىك كەز كەلگەن مامان تۇركيانىڭ ەكونوميكالىق كورسەتكىشى مەن ۇلتتىق ۆاليۋتاسىنىڭ قازىرگى كۋرسىن ساراپتايتىن بولسا،  سايكەسسىزدىكتىڭ بارىن بىردەن بايقايدى»، - دەپ كەلتىرەدى پرەزيدەنت ەردوعاننىڭ سوزىنە سىلتەمە جاساپ «انادولۋ» اگەنتتىگى.  سونىمەن قاتار، ەردوعان تۇركيانىڭ ۇلتتىق ۆاليۋتانىڭ وسۋىنە بايلانىستى ۇتىلىپ جاتقانىن ايتسا دا، تۇرىك بانك جۇيەسى الەمدەگى ەڭ مىقتى جۇيەنىڭ ءبىرى دەگەن. بارىمىزگە بەلگىلى، جۇما كۇنى تۇرىك ليراسى 2001 جىلدان بەرگى ەڭ ۇلكەن كورسەتكىش — 18%-عا قۇنسىزدانعان. تۇرىك ليراسى اقش پرەزيدەنتى دونالد ترامپتىڭ تۇرىك بولاتى مەن اليۋمينيگە سالىناتىن كەدەندىك سالىقتاردى ەكى ەسەگە كوتەرەتىنىن مالىمدەگەننەن كەيىن بىردەن قۇنسىزدانعان ەدى.

ال، بۇگىن اق ءۇي تۇرىك ليراسىنىڭ قۇلدىراۋى تۇركيانىڭ بۇرىننان-اق ەكونوميكالىق پروبلەمالارى بارىن كورسەتەدى، - دەپ مالىمدەدى.

“The Qazaq Times”