فوتو: 20minutes.fr

وسى جىلدىڭ ناۋرىز ايىندا سكريپالداردىڭ ۋلانۋلارىنا، ودان كەيىن 30 ماۋسىمدا عانا اعىلشىن ازاماتى  دون ستەردجەستىڭ ولىمىنە سەبەپ بولعان سولسبەريدەگى جۇيكە-سال اۋرۋىن تۋدىرۋشى ۋلى زاتتەك جابىق كونتەينەردە ساقتالسا 50 جىلعا دەيىن «بەلسەندىلىگىن»جوعالتپايدى. بۇل تۋرالى ۇلىبريتانيا پوليتسەيىنىڭ انتيتەرروريستىك باسقارماسىنىڭ باسشىسى نيل باسۋ مالىمدەدى، - دەپ حابارلايدى فرانتسيالىق «20minutes.fr» اگەنتتىگى.

باسۋ اتالعان ايماق تۇرعىندارىنا اتالعان اۋرۋ تاراتۋشى ۋلى زاتتەك ساقتالعان كونتەينەردى ىزدەپ جاتقانىن حابارلادى. «ءبىز وسى اۋىر ىسكە قاتىستى ادامداردى تاپتىق دەپ ايتا المايمىز. ولار ەشقانداي دا ءىز قالدىرماعان. ءبارىن جاسىرعان. الايدا، بارىنەن دە اۋىرى سىزدەرگە وسى ىسكە قاتىستى اشىق ەشەڭە ايتا الماۋىم» ، - دەگەن ول. ول، 30 ماۋسىم كۇنى ۋلانعان ەكەۋدىڭ ءبىرى چارلي ءروۋليدىڭ اتالعان كونتەينەردىڭ قايدا ەكەندىگىنە قاتىستى اقپارات بەرە الادى دەپ ۇمىتتەنەدى. روۋلي قازىرگى تاڭدا ەسىن جيناعانمەن، ءالى دە دارىگەرلەردىڭ قاراۋىندا.

 “The Qazaq Times”