يراننىڭ ءسۇريا جەرىندەگى قارۋلى كۇشتەرى. فوتو: Al Jazeera.

يران تارابى ءوزىنىڭ سۇرياداعى اسكەري ارالاسۋىن جالعاستىراتىنىن قايتالاي مالىمدەدى. اتالعان مالىمدەمەنى يران ءماجىلىسىنىڭ حالىقارالىق ىستەر جونىندەگى ارنايى وكىلى حۋسەين ءامىر ابدۋللاحيان جاسادى. بۇل تۋرالى سول ەلدىڭ «تەسنيم» اقپاراتتىق اگەنتتىگى حابارلادى.

يران رەسمي لاۋازىمدىسىنىڭ ايتۋىنشا، ءسۇريا جەرىندە دايش كۇشتەرى جەڭىلىس تاپقانىمەن، يزرايل تارابى ءوز ىقپالىن جۇرگىزۋگە كۇش سالىپ كەلەدى. «ءيزرايلدىڭ بۇل ماقساتىن جۇزەگە اسىرماۋ ءۇشىن يران سۇرياداعى اسكەري ارەكەتىن جالعاستىراتىن بولادى»، – دەدى ءامىر ابدۋللاحيان. مالىمدەمەدە وعان قوسا، يراننىڭ اسكەري كۇشتەرى ءسۇريا جەرىندەگى اسكەري وپەراتسيالاردى بىرقالىپتى جۇرگىزىپ كەلە جاتقانى ايتىلادى.

يزرايل تارابى ءسۇريانىڭ وزىنە جاقىن شەكاراسىندا يراننىڭ بەلسەندى اسكەري ارەكەتتەرىنە نارازىلىق تانىتادى، ءارى الاڭداۋشىلىق ءبىلدىرىپ كەلەدى. يزرايل ۇكىمەتى يراننىڭ سۇرياداعى اسكەري ارالاسۋىن بولدىرماۋعا بار كۇشىن سالىپ كەلەدى. بۇعان اقش پەن رەسەي تاراپتارىنىڭ قولداۋىن ءۇمىت ەتەدى. باتىس اقپارات قۇرالدارىنىڭ مالىمدەۋىنشە ترامپ پەن ءپۋتيننىڭ 16 شىلدە كۇنگى كەزدەسۋىندە دە اتالعان ماسەلە تالقىلانۋى مۇمكىن.

“The Qazaq Times”