الماتىدا تانىمال بىلعارى قولعاپ شەبەرى جانقوش تۇراروۆقا شابۋىل جاسالدى. وقيعا وسىدان ءبىر اپتا بۇرىن قالا كوشەلەرىنىڭ بىرىندە بولعان. بەينەباقىلاۋ كامەراسىنا ءتۇسىپ قالعان جازبادا ءبىر توپ جىگىتتىڭ الدەگە كەلىسپەي، جاعا ۇستاسىپ قالعانىن كورۋگە بولادى. ۇرىس سوڭى توبەلەسكە ۇلاسقان.

جانجالداسىپ تۇرعان جىگىتتەردىڭ ءبىرى قولىنا قارۋ الىپ، بەلگىلى بوكسشى جانقوش تۇراروۆقا قاراي وق اتادى. ابىروي بولعاندا بۇزاقىنىڭ بۇل ارەكەتىنەن ەشكىم زارداپ شەكپەگەن. قازىر پوليتسەيلەر اتالعان بەينەجازبانى تەكسەرىپ جاتىر. اتالعان وقيعاعا قاتىستى بۇزاقىلىق بابىمەن قىلمىستىق ءىس قوزعالدى.

“The Qazaq Times”