يزرايل قارۋلى كۇشتەرى ناتو-نىڭ ەڭ اۋقىمدى جاتتىعۋىنا قاتىسپاق

يزرايل قارۋلى كۇشتەرى ناتو-نىڭ «سەمسەر-2018» اسكەري وقۋ-جاتتىعۋىنا قاتىسادى. بۇل ناتو مەن ەۆرەي جۇرتى اراسىنداعى العاش رەت وتەتىن اسكەري وقۋ-جاتتىعۋ. بۇل تۋرالى AFP اگەنتتىگى حابارلادى.

بيىلعى ناتو اسكەري جاتتىعۋى بالتىق جاعالاۋى ەلدەرىندە بولاتىن ەڭ اۋقىمدى اسكەري جاتتىعۋ بولماق. اسكەري جاتتىعۋلار پولشا، ليتۆا، لاتۆيا، ەستونيا جەرلەرىندە وتەدى. سونىمەن بىرگە اسكەري شاراعا ناتو-نىڭ ەڭ ىقپالدى قۋاتتى ارميالارى قاتىسقالى وتىر. ايتالىق، جاتتىعۋ مايدانىندا اقش، ۇلىبريتانيا، فرانتسيا، يتاليا، كانادا، ليتۆا، لاتۆيا، گوللانديا، ماكەدونيا، پولشا، يسپانيا، رۋمىنيا، چەحيا جانە نورۆەگيا ەلدەرىنىڭ قارۋلى كۇشتەرى بولماق.

ناتو باس حاتشىسى جاساعان مالىمدەمەدە، كەزەكتى اسكەري قيمىلدىڭ اتالمىش وداقتىڭ شىعىس قاناتىن قورعاۋدى، بالتىق ەلدەرىنە تونەتىن قاۋىپتى جويۋعا ارميانى جاتتىقتىرادى. سونىمەن بىرگە وداقتاس ەلدەر اراسىنداعى اسكەري بىرلىكتى نىعايتا ءتۇسۋ ءۇشىن جاسالعان شارا ەكەنىن دە ايتىپ وتكەن.

“The Qazaq Times”