ترامپ ۋاشينگتوندا مۇحاممەد پايعامباردىڭ ۇرپاعىنا كەزدەستى

 ترامپ تاققا وتىرعالى بەرى مۇسىلمانداردىڭ قارسىلىعىنا از ۇشىراماپ ەدى، الايدا، جاقىندا اقۇي ءباسپاسوز قىزمەتىنىڭ حابارلاۋىنشا، اقش پرەزيدەنتى دونالد ترامپ ۋاشينگتوندا (ۆاشينگتون) يوردانيا كورولى ابدۋللامەن كەزدەسكەن. 
فوتو: TRT.NET

يوردانيانىڭ كورولى ابدۋللا ءىى بەن حۋسەين 1999 جىلى تاققا وتىرعان. حۋسەين بەن تالالانىڭ ۇلى. ارعى اتالارى مەككەلىك مۇسىلمان قاۋىمىنا قادىرلى اۋلەتتەن تاراعان. مۇحاممەد (س.ع.س) پايعامباردىڭ تىكە ۇرپاعى. 2008 جىلدىڭ ماۋسىمىندا قازاقستاندا ارنايى ساپاردا بولعان.

REUTERS.COM-نىڭ حابارلاۋىنشا، كورول ابدۋللا اقش جاڭا وكىمەتىمەن كەلىسسوز جاساعان العاشقى اراب باسشىسى. ول ترامپپەن ءسۇريا (سيريا) داعدارىسى جانە اپتا بۇرىنعى يسلام ەلدەرىنىڭ ازاماتتارىنا قارسى جاسالعان "يمميگراتسيا ساياساتى" ماسەلەلەر تاقىرىبىندا كەڭەسكەن.

فوتو: TRT.NET

تۇرىك راديو-تەلەۆيزياسى رەسمي سايتىنىڭ ايتۋىنشا، ترامپ يوردانيا كورولىنىڭ ەل تۇراقتىلىعى مەن دامۋىنداعى ەڭبەگىن جوعارى باعالاعان. يسلام ەلدەرىنىڭ ورنىقتىلىعىن، تىنىشتىعىن ساقتاۋداعى ءرولىن اتاپ ءوتىپ، يوردانياداعى دياش لاڭكەستىك ۇيىمىن تىزگىندەۋدەگى ەتكەن ەڭبەگىنە العىسىن بىلدىرگەن.

فوتو: TRT.NET

يوردانيانىڭ جاڭاشىل پاتشاسى ابدۋللانىڭ، اقش-تاعى جاڭا ساياساتتىڭ جولعا قويىلىپ جاتقان كەزىندە ترامپپەن كەزدەسىپ، ماڭىزدى تاقىرىپتار تۋرالى كەڭەسۋىن باتىس پەن ورتا جانە تاياۋ-شىعىس باق-ى جوعارى باعالاپ وتىر. باتىس ەلدەرىمەن قارىم-قاتىناستا اشىق پوزيتسيا ۇستاناتىن كورول ابدۋللانىڭ اقش ساپارى الىدە جالعاسۋدا.

“The Qazaq Times”