يران پرەزيدەنتى اقش-تى ايىپتادى. فوتو: AP Photo/The National.

وسىدان بۇرىن اقش ۇكىمەتى مالىمدەمە جاساپ، يران يسلام رەسپۋبليكاسىنىڭ رەجيمى ءوز باعىتىن وزگەرتپەيتىن بولسا، ەڭ قاتال جازالاۋ شاراسىن قولداناتىنىن جەتكىزگەن ەدى. ءبىر كۇن بۇرىن يران پرەزيدەنتى حاسان رۋحاني اقش ۇكىمەتىنىڭ بۇل شەشىمىن قاتاڭ ايىپتادى. بۇل تۋرالى يراننىڭ IRNA اقپاراتتىق اگەنتتىگى حابارلادى.

اقش مەملەكەتتىك حاتشىسى مايك پومپەونىڭ مالىمدەمەسىندە، يرانعا قاراتا 12 ءتۇرلى تالاپ قويعان. سونىمەن بىرگە، بۇل تالاپتار ورىندالماسا «وتە كوپ مولشەردەگى قارجىعا ەمبارگو» قوياتىنىن جەتكىزگەن. يران پرەزيدەنتى حاسان رۋحاني اقش ۇكىمەتىن يراننىڭ ەگەمەندىگىنە قارسى قىسىم جاساپ وتىر دەپ ايىپتادى.

ير پرەزيدەنتى سوزىندە: «اقش يرانعا قىسىم ءتۇسىرۋ ارقىلى تالابىن ورىنداتۋدى كوزدەيدى. الايدا، يران ەگەمەندى ەل، ءبىز بۇنى مۇلدە قابىلداي المايمىز. كەزىندە تىڭشىلىق ۇيىمدى باسقارعان ادام بۇگىندە مەملەكەت حاتشىسى بولىپ، اقش ءۇشىن شەشىم جاساۋدا. ول يران مەن الەم ءۇشىن شەشىم ايتاتىن ول كىم ەدى؟»، – دەدى.

اقش پەن يران قايشىلىعى بۇگىندە كەلىسسوزگە مۇلدە مۇمكىندىك بەرمەيتىن كۇيدە. ساراپشىلاردىڭ باسىم كوبى، تاراپتاردىڭ اراسىنداعى قايشىلىق، وڭىردەگى تۇراقسىزدىقتى قالىپتاستىرۋىنان الاڭدايدى.

“The Qazaq Times”