يزرايل يراننىڭ سۇرياداعى اسكەري نىساندارعا شابۋىل جاسادى

بۇگىن تاڭەرتەڭ يزرايل ءسۇريادا ورنالاسقان يراندىق اسكەري نىساندارعا وق جاۋدىردى. ءيزرايلدىڭ بۇل ارەكەتىنە گولان شىڭدارىنداعى اسكەري شەپتەرگە باعىتتالعان اتىستار سەبەپ بولعان دەپ حابارلايدى، تاسس اگەنتتىگى.

اتالعان حاباردا ءسۇريا تەرريتورياسىنداعى يراندىق كۇشتەرگە تيەسىلى «ءال-قۇدىس» اسكەري نىساندارىنا شابۋىل جاسالعان. اسكەري بازانىڭ ءباسپاسوز قىزمەتىندە «يراننىڭ وسىنداي ۇزدىكسىز شابۋىلى ولاردىڭ سۇرياعا مىقتاپ بەكىنۋگە تىرىسىپ جاتقاندارىن جانە يزرايل مەملەكەتىنە تونگەن قاۋىپتى بىلدىرەدى. ءارى ايماقتىڭ تۇراقتىلىعىنا نۇقسان كەلتىرەدى»، - دەپ جازعان. نەگىزىنەن، يزرايل مەن يران اراسىنداعى تۇسىنىسپەۋشىلىكتىڭ جالعاسىپ كەلە جاتقانىنا از ۋاقىت وتپەدى. ەندى اسكەريلەر، يراننىڭ سۇرياعا باس سۇعۋىنا نەمەسە سوندا ورنالاسىپ قالۋلارىنا جول بەرمەيتىندەرىن ايتتى. ولار: «ءيزرايلدىڭ قورعانىس اسكەرى يران ءيزرايلدىڭ ەگەمەندىگى مەن ونىڭ ازاماتتارىنا قاۋىپ توندىرگەنىن توقتاتپايىنشا، نەشە ءتۇرلى جوسپارلارىن جۇزەگە اسىرۋعا دايىن ەكەنىن» ، - ايتتى.

“The Qazaq Times”