يران دەپۋتاتتارى اقش-تىڭ تۋىن ورتەدى

يران دەپۋتاتتارى دونالد ترامپ شەشىمىن جاريالاعاننان كەيىن،  پارلامەنت عيماراتىندا اقش-تىڭ قاعاز جالاۋىن ورتەدى. بۇل تۋرالى بي-بي-سي حابارلايدى.

ولار سونداي-اق، «امەريكا اجال قۇشسىن!» دەگەن ۇرانمەن 2015 جىلدىڭ شىلدەسىندە يران، ۇلىبريتانيا، اقش، رەسەي، فرانتسيا، گەرمانيا جانە قىتاي اراسىندا جاسالعان كەلىسىمشارتتىڭ كوشىرمەسىن دە وتقا جاقتى.

«يسلام رەسپۋبليكاسى اقش-تى اقىلعا كەلۋگە شاقىرادى. ولار يراننىڭ يادرولىق باعدارلاماعا قاتىستى ەندى ەشتەڭەگە مىندەتتى ەمەس ەكەنىن بىلۋلەرى ءتيىس» ، - دەدى، يران پارلامەنتىنىڭ سپيكەرى ءالي لاريدجاني.

قازىرگى تاڭدا اق ءۇي مالىمدەمەسى بۇكىل الەمدە كەڭىنەن تالقىلانۋدا. يراندىقتاردىڭ دا كوپشىلىگى امەريكا بيلىگىنە وسى ماسەلەنى شىنىمەن دە بىرجاقتى ەتكىسى كەلمەيدى دەپ كىنا ارتادى.

«ءبىز اقش-تى بىلەمىز. ولار ەشقاشان ءوز مىندەتتەرىن ورىنداعان ەمەس! بۇل كەلىسىمشارت اقش-تى بىزگە ازىن-اۋلاق دوللار بەرۋگە عانا ماجبۇرلەدى. الايدا، قازىر دوللار باعاسى ۇشىپ تۇر. بۇل كەلىسىمشارت جاعدايىمىزدى تومەندەتكەنىمەن قويماي، ءبىزدى ودان سايىن مۇشكىل حالگە ءتۇسىردى»،  - دەدى يران دەپۋتاتتارى.

ەسكە سالايىق، كەشە اقش پرەزيدەنتى دونالد ترامپ يراننىڭ يادرولىق كەلىسىمشارتىنان باس تارتاتىنىن جانە تەھرانعا (تەگەرانعا) قارسى ەڭ جوعارى سانكتسيا سالۋعا شەشىم شىعارعانىن مالىمدەگەن بولاتىن.

“The Qazaq Times”