اقش مەملەكەتتىك حاتشىسى مايك پومپەو. فوتو: California Family Council.

وتكەن اپتادا تاعايىندالعان اقش مەملەكەتتىك حاتشىسى مايك پومپەو يران يادرولىق ماسەلەسىنە بايلانىستى مالىمدەمە جاساپ، يراندى «جاسىرىن يادرولىق باعدارلامانى جۇزەگە اسىرۋدا» دەپ ايىپتادى. بۇل تۋرالى «انادولى» اقپاراتتىق اگەنتتىگى حابارلادى.

مايك پومپەو اتالعان مالىمدەمەسىن جازباشا تۇردە جاريا ەتكەن. مالىمدەمەدە: «كوپ جىلدان بەرى يران تارابى ءوزىنىڭ اتومدىق باعدارلامالارىنىڭ بەيبىت ماقساتتا پايدالاناتىنىن ايتىپ كەلگەن. الايدا، يزرايل تارابى قولعا تۇسىرگەن دالەلدەر، يران ۇكىمەتىنىڭ ايتقانى جالعان ەكەنىن كورسەتتى»،– دەلىنگەن.  ول يزرايل بارلاۋ اگەنتتىگىنىڭ قولعا تۇسىرگەن ماتەريالدارىن العا تارتا وتىرىپ، يراندى يادرولىق باعدارلامالاردى جاسىرىن جۇزەگە اسىرىپ جاتقانىن ايتتى. ول جانە يزرايل تارابى رەسمي مالىمدەگەن بۇل دالەلدەردىڭ راس ەكەنىن اتاپ ءوتتى.

اقش مەملەكەت حاتشىسى بۇل ءىستى جالعاستى انىقتاي وتىرىپ، اقش تارابى يرانمەن قول قويعان يادرولىق كەلىسىمدى قايتا قارايتىنىن جەتكىزدى.

“The Qazaq Times”