اقش-تا تۇراتىن تۇرىكتەر ەرەۋىلگە شىعۋدا

اقش-تا تۇراتىن تۇرىكتەر ارمەنيانىڭ 1915 جىلعى وقيعالارعا قاتىستى مالىمدەمەلەرى ءۇشىن نارازىلىق شارالارىن ۇيىمداستىرۋدا. بۇل تۋرالى yeniakit.com اقپاراتتىق اگەنتتىگى حابارلادى.

چيكاگو قالاسىنىڭ ورتالىعىندا «ارمەنيا وتىرىكتەرىن توقتاتسىن!» دەگەن ۇرانمەن وزدەرىنىڭ نارازىلىقتارىن بىلدىرگەن ەرەۋىلشىلەر كوشەگە تۇركيا، ءازىربايجان، سولتۇستىك كيپر تۇرىك رەسپۋبليكاسى جانە اقش ەلدەرىنىڭ تۋلارىن ۇستاپ شىققان.

تۇركيانىڭ ءانۇرانىن ايتىپ شىققان ەرەۋىلشىلەر «وتىرىكشى ارمەنيا»، «ارميانداردىڭ وتىرىگىن بۇدان ءارى ەستىگىمىز كەلمەيدى»، «ارمەنيا حالىقارالىق زاڭداردى بۇزۋدا»، «مۇراعاتتارىڭدى اشا المايسىڭدار، سەبەبى ولار وتىرىككە تولى» دەگەن جازۋلارمەن ەرەۋىلگە شىققان.

“The Qazaq Times”