فوتو: ەۆرونيۋس

ارمەنيانىڭ وپپوزيتسيالىق پارلامەنتتىك فرانتسياسى «ەلك» پرەمەر-مينيستر لاۋازىمىنا ءوز جەتەكشىلەرى نيكول پاشينياندى ۇسىنعان. بۇل تۋرالى «ەۆرونيۋس» حالىقارالىق اقپارات اگەنتتىگىنىڭ ورىس رەداكتسياسى حابارلايدى.

ال پاشينيان «ەگەر حالىق وزىنە سونداي جاۋاپكەرشىلىكتى سەنىپ تاپسىراتىن بولسا»، ارمەنيانىڭ پرەمەر-ءمينيسترى بولۋعا دايىن ەكەنىن مالىمدەگەن. سونىمەن قاتار، ول «اشىق ءارى ءادىل» تۇردە وتەتىن پارلامەنت سايلاۋىنىڭ دايىندىعى رەتىندە ءوزىنىڭ ۋاقىتشا ۇكىمەت قۇراتىنىن ايتقان.  ساراپشىلاردىڭ پىكىرىنشە، پاشينيان ەلدە ۇلكەن تانىمالدىلىققا يە بولعان ءارى قارسىلىق شارالارىنىڭ ارقاسىندا ونىڭ جاڭا ۇكىمەتتى باسقارۋعا ۇلكەن مۇمكىندىگى بار كورىنەدى.

ەستەرىڭىزگە سالايىق، وتكەن اپتادا ارمەنيانىڭ پرەمەر-ءمينيسترى سەرج سارگسيان ەلدەگى نارازى  توپتاردىڭ قىسىمىمەن قىزمەتىنەن كەتكەن بولاتىن. ال ۇكىمەت باسشىسى قىزمەتىن ۋاقىتشا باسقارۋشى كارەن كاراپەتيان ەلدىڭ ءبىرىنشى ۆيتسە-پرەمەرى بولىپ تاعايىندالدى.

ارمەنياداعى قارسىلىق شارالارى اراعا از عانا ءۇزىلىس سالىپ، سارسەنبى كۇنى قايتادان باس كوتەرگەن ەدى. وپپوزيتسيالىق جيىندار مەن ششەرۋلەر ەرەۆان مەن ارمەنيانىڭ وزگە دە قالالارىن قامتۋدا. ەلدەگى شيەلەنىستى جاعداي ءالى جالعاسۋدا.

“The Qazaq Times”