فوتو: 24 كانال

رەسەي پرەزيدەنتى ۆلاديمير پۋتين الدىن الا سايلاۋ قورىتىندىسى بويىنشا (75 پايىزدان جوعارى داۋىس العان) جەڭىسكە جەتۋدىڭ از-اق الدىندا تۇر، ول ميتينگتە جاقتاستارىنا العىس ءبىلدىردى جانە سايلاۋالدى شتابىنا بارىپ، مۇشەلەرىمەن كەزدەسكەن.

ول ەل كونستيتۋتسياسىنا وزگەرىس ەنگىزۋ ازىرگە ويىندا جوق ەكەنىن، جاڭا پرەمەردىڭ كانديداتۋراسىن ويلاي باستاعانىن ءايتتى. بىراق قازىرگى پرەمەر-مينيستر دميتري مەدۆەدەۆ ءوز ورنىندا قالادى ما، جوق پا جاۋاپ بەرمەدى.

"كەلەسى پرەزيدەنت سايلاۋىنا تاعى قاتىساسىز با؟" دەگەن سۇراقتى "كۇلكىلى" دەپ اتاپ، "مەن 100 جاسقا دەيىن وتىرامىن با؟ جوق" دەپ جاۋاپ بەرگەن.

پۋتين ميتينگتە وزىنە داۋىس بەرگەندەرگە العىسىن جەتكىزدى.

"سىزدەر – ورتاق كومانداسىزدار. بۇگىن كىم داۋىس بەردى – ءبىزدىڭ ۇلكەن جالپىۇلتتىق كوماندا", – دەدى ول ماسكەۋدىڭ مانەج الاڭىندا "رەسەي. سەۆاستوپول. قىرىم" ميتينگىسىندە سويلەگەن سوزىندە.

پۋتين ەلىن بىرلىككە شاقىرىپ، "العا قاراي جىلجۋىمىز كەرەك" دەدى.

ء"بىز كونيۋنكتۋرالىق تۇسىنىكپەن باسشىلىق ەتپەيمىز. بولاشاق بالالارىمىزدى ويلايمىز. رەسەي ءۇشىن بىرگە ماسشتابتى جۇمىستى قولعا الامىز", – دەدى پۋتين.

الدىن الا سايلاۋ قورىتىندىسى بويىنشا پۋتين پرەزيدەنت سايلاۋىندا 75,01 پايىز داۋىس الىپ، الدا كەلەدى. ەكىنشى ورىندا كپرف اتىنان كانديدات پاۆەل گرۋدينين (13,38%).

“The Qazaq Times”