يران ءسىم باسشىسى اقش-تى تەررورلىق ۇيىمنىڭ قولداۋشىسى دەپ كورسەتتى. فوتو: VAO.

يسلاماباد بيلىگى مالىمدەمە تاراتىپ، يراننىڭ اقش-تى «يسلام مەملەكەتى» تەررورلىق ۇيىمىنىڭ قولداۋشىسى دەگەن ايتپاۋىن جوققا شىعاردى. رەسمي مالىمدەمەدە پاكىستان ۇكىمەتى: «يراننىڭ ايىپتاۋى قيسىنسىز، ءارى كۇلكىلى» دەپ باعالادى. بۇل تۋرالى VOA اقپاراتتىق سايتى حابارلادى.

يراننىڭ سىرتقى ىستەر ءمينيسترى زاريف وسى اپتانىڭ باس شەنىندە اقش-تى ايىپتاپ، قۇراما شتاتتىڭ اۋعانستاندا تۇراتىن اسكەرلەرى «يسلام مەملەكەتى» تەررورلىق توبىنا قولداۋ كورسەتۋشى دەپ ايىپتادى. ول سوزىندە امەريكالىق اسكەري تىكۇشاقتىڭ سوعىس ايماعىنان جانە اۋعانستاننىڭ شىعىسىنداعى ءبىر تۇرمەدەن «يسلام مەملەكەتى» تەررورلىق ۇيىمىنىڭ مۇشەلەرىن قۇتقارىپ، ەلدىڭ شىعىسىنداعى بەلگىسىز ءبىر جەرگە جەتكىزدى دەگەن.

اقش-تىڭ كابۋلدا تۇراتىن ەلشىسى جون باسس جانە ناتو-نىڭ «جەدەل قولداۋ كورسەتۋشى» اسكەري كۇشتەرى سارسەنبى كۇنى اۋعانستاننىڭ تەلەارناسىنا سۇحبات بەرىپ، زاريفتىڭ ايىپتاۋىن تەرىستەدى جانە اشىق ارانداتۋ مەن جالا جابۋ دەپ باعالادى.  باسس سوزىندە: «تەھران (تەگەران) ءوزىنىڭ كۇش-جىگەرىن جالعان سوزدەر تاراتۋدان كورى، اۋعانستاندا بەيبىتشىلىك ورناتۋعا جۇمساعانى دۇرىس»، – دەدى.

 “The Qazaq Times”