ءازىمباي عالي: ميرزيەەۆ پوپۋليستىك ماقساتپەن ەسكى ساياساتتى سىناپ، جاعدايدى وڭداماق

وزبەكستاندا بىرنەشە كۇردەلى ماسەلە بار: ءبىرىنشىسى، وزبەكستاندا ۇزاق مەرزىمدى تۋ كورسەتكىشى جوعارى دەڭگەيدە. حالىقتىڭ تەز ءوسۋى الەۋمەتتىك شىعىنداردىڭ ءوسۋىن تالاپ ەتەدى، ال قارجى جوقتىڭ قاسى. كەلەسى فاكتور: جوعارى دەڭگەيدەگى جۇمىسسىزدىق.وزبەك جۇرتشىلىعىنىڭ 3-5 ميلليونى رەسەيدە جانە قازاقستاندا جالشى-ەميگرانت، قارا جۇمىسشى بولىپ ءجۇر. رەسەي مەن قازاقستاننان تاپقان تايانعانىن وتباسىلارىنا جىبەرىپ، ولار ۇن مەن وسىمدىك مايىن الىپ جۇرەك جالعاپ، ارزان تاۋارلاردى كيىم –كەشەك رەتىندە تۇتىنىپ كەلەدى.

وزبەكستان قازاقتارى اتامەكەنگە قايتۋدا. وزبەكستاننىڭ بۇرىنعى باسشىسى –يسلام كاريموۆ جۇيەلى نارىقتىق رەفورمالاردى جاسامادى، وزبەكستاندا نەگىزىنەن رەفورمالار ستيحيالىق تۇردە ورنادى، ۇدايى تەجەلىپ وتىردى، بىراق كاريموۆتىڭ وتباسى كوررۋپتسيالىق جولمەن كوپ داۋلەتتى قارماپ قالدى.

كاريموۆتىڭ وتباسى كوررۋپتسيالىق ىستەرىمەن حالىققا سۇيكىمى كەتتى. بيلىككە كەلگەن ميرزيەەۆ ءوز بيلىگىن نىعايتۋ ماقساتىمەن باسقا دامەلى ساياسي پەرسونالاردى باسقارۋشى توپتان ىسىرۋدا، قىلمىستىق ىستەردى اشۋدا. ميرزيەەۆ پوپۋليستىك ماقساتپەن ەسكى ساياساتتى سىناپ، جاعدايدى
وڭداماق. بىراق وزبەكستانعا رەفورمالار جاساۋعا ۋاقىت كەرەك، سول سياقتى قوماقتى قارجى كەرەك. ميرزيەەۆتە نە قوسىمشا ۋاقىت، نە قوسىمشا قارجى جوق.

وزبەكستان نەگىزىنەن مونوۇلتتىق مەملەكەت. بىراق از بولسا دا قالعان ورىستار مەن قازاقتار اتامەكەنىنە كەتەدى. ەسەسىنە وزبەكستاننىڭ تاجىكتەرى سىرتقا كوشپەيدى، تەك ەڭبەك ەميگراتسياسىنا كەتەدى.

بيلىك قادامدارى مەن ارەكەتتەرى.ستسەناريلەر:

a)پاۋزا;

b)تەست رەجيمى. ميرزيەەۆتە حالىق ءۇمىتى مەن حالىق سەنىمى بار. سول سەنىمدى ول باس شەنەۋنىكتەردى الماستىرۋعا مەنشىكتى قايتا بولىسۋگە جۇمساپ جاتىر;

c)كونسەرۆاتيۆتىك قادامدار. يسلاميزممەن كۇرەسۋ. يسلامشىلدىقپەن كۇرەسۋ;

d)پاللياتيۆتىك رەفورمالار;

e)راديكالدىق ەكونوميكالىق، ساياسي جانە قۇقىقتىق رەفورمالاردىڭ باستالۋى;

f)اقپاراتتىق تارتىستار;

بيلىكتىك جانە بەيرەسمي توپتاردىڭ قادامدارى مەن ارەكەتتەرى. ستسەناريلەر:

a)پاۋزا. تولىق بويكۇيەزدىك، ىمىرت بەلگىلەرى;

b)تەست رەجيمى - “ەركىن ءباسپاسوزدىڭ” تارالىم الۋى - “جىلىمىق”

c)كونسەرۆاتيۆتىك قادامدار-حالىقتىڭ ميرزيەەۆتى “قولداي باستاۋ” بەلگىلەرى -قولداۋ ميتينگتەرى. يسلاميزممەن كۇرەسۋ. يسلامشىلدىقپەن كۇرەسۋ

d)پاللياتيۆتىك رەفورمالار مەن ء“وش الۋ مەن جاڭا تاركىلەۋ كەزەڭى سۇيكىمسىز وليگارحتاردىڭ مۇلكى مەن داۋلەتى مەن قارجىلارىن يەمدەنۋ، بيلىك پەن داۋلەتتى قايتا ءبولىسۋ”. جاڭا وليگارحتاردىڭ پايدا بولۋى;

e)راديكالدىق ەكونوميكالىق، ساياسي جانە قۇقىقتىق رەفورمالاردىڭ باستالۋى;

f)ازامات سوعىسىنىڭ قىلاڭ بەرۋى- وزبەكستاننان ەميگراتسيانىڭ كۇرت ءوسۋى. كاپيتالدىڭ وزبەكستاننان جىلىستاۋى;

g)اقپاراتتىق تارتىستار;

قازاقستان بيلىگىنىڭ وزبەكستانعا ساياساتى. بيلىك قادامدارى مەن ارەكەتتەرى.ستسەناريلەر:

a)پاۋزا- اناليتيكالىق تالداۋ مەن باقىلاۋ كەزەڭى;

b)تەست رەجيمى - قازاقستان مەن وزبەكستان بيلىگىنىڭ رەسمي جانە بەيرەسمي ارەكەتتەرى، پروبالىق قادامدار جانە رەاكتسيا كۇتۋ.

c)كونسەرۆاتيۆتىك قادامدار - قازاقستان وزبەكستان بيلىگىنىڭ رەسمي جانە بەيرەسمي ميرزيەەۆتى “قولداي باستاۋ” بەلگىلەرى - قولايلى كەلىسىمشارتتار جاساسۋ. نازارباەۆ وزبەكستانعا بىرقاتار ينيتسياتيۆا جاسايدى. ميرزيەەۆتى استانادا كەرەمەت قىلىپ قابىلدايدى.

d)پاللياتيۆتىك رەفورمالار مەن ء“وش الۋ مەن جاڭا تاركىلەۋ كەزەڭى سۇيكىمسىز وليگارحتاردىڭ مۇلكى مەن داۋلەتى مەن قارجىلارىن يەمدەنۋ، بيلىك پەن داۋلەتتى قايتا ءبولىسۋ كەزەڭىندە جەكە وزبەك وليگارحتاردى، شەنەۋنىكتەردى قولداۋ جانە جاڭا وليگارحتاردى پايدالانۋ”;

e)راديكالدىق ەكونوميكالىق، ساياسي جانە قۇقىقتىق رەفورمالاردىڭ باستالۋى;

f)ازامات سوعىسىنىڭ قىلاڭ بەرۋى - وزبەكستاننان ەميگراتسيانىڭ كۇرت ءوسۋى. قازاقستانعا قاراقالپاق ەميگراتسياسى وسەدى.كاپيتالدىڭ وزبەكستاننان رەسەي مەن قازاقستانعا جىلىستاۋى.

g)اقپاراتتىق تارتىستار.

“The Qazaq Times”