وزبەكستاندا الكوگول ءونىمىن وندىرۋشىلەر سپورتقا قارجى اۋدارۋعا مىندەتتەلدى

وزبەكستان بيلىگى ەلدە  سپورتقا قوسىمشا قولداۋ كورسەتەتىن كاسىپورىندار ءتىزىمىن بەكىتتى. سونىمەن  الكوگول جانە تەمەكى ءونىمىن وندىرۋشىلەر دەنە شىنىقتىرۋ مەن سپورتتى دامىتۋ قورىنا مىندەتتى اۋدارىمدار جاسايتىن بولدى.

وزبەكستان پرەزيدەنتى شاۆكات ميرزياەۆ اۋدارىلاتىن قارجى كولەمىن ارنايى قاۋلىمەن بەكىتكەن.  قاۋلى بويىنشا، وندىرۋشىلەر تولەيتىن سوما ساتىلعان ءونىم كولەمىنە بايلانىستى بولادى.

سونىمەن سىرا وندىرەتىندەر 1 دەكاليتر ءونىم ساتقان جاعدايدا قورعا (10 ليتر) شامامەن 2000 مىڭ سۋم (0,24 دوللار), اراق وندىرەتىندەر 5000 سۋم (0,6 دوللار) اۋداراتىن بولادى. ال تەمەكى وندىرەتىن كاسىپورىندار  مىڭ قوراپ تەمەكى ساتىلسا 1000 سۋم كولەمىندە (0,12 دوللار) قارجى اۋدارادى.

جوعارىدا اتالعان قور وزبەكستان رەسپۋبليكاسىنىڭ دەنە شىنىقتىرۋ جانە سپورت مينيسترلىگى جانىنان قۇرىلدى. نەگىزىنەن قور مەملەكەتتىك بيۋدجەتتەن قارجىلاندىرىلادى. بيىل مەملەكەت قازىناسىنان سپورتتى دامىتۋعا 20 ملرد سۋم (2,45 ملن دوللار) قارجى بولىنگەن.

سونداي-اق، قور قايىرىمدىلىق ۇيىمدارى، جەكە كاسىپكەرلەر، جەكە جانە زاڭدى تۇلعالار، سونىڭ ىشىندە وزبەكستان رەزيدەنتتەرى ەمەس دەمەۋشىلىكتەر ارقىلى قارجىلاندىرىلادى.

“The Qazaq Times”