پاركلاند قالاسىنداعى ورتا مەكتەپ. فوتو: BBC,

اقش-تىڭ فلوريدا شتاتىنا قاراستى پاركلاند قالاسىنداعى ورتا مەكتەپتە، سارسەنبى كۇنى اتىس وقيعاسى تۋىلىپ، 17 ادام قازا تاپتى. بۇل تۋرالى  BBC-ءدىڭ ونلاين قىزمەتى حابارلادى.

جەرگىلىكتى پوليتسيا تاراۋلارى 19 جاستاعى نيكولاس كرۋزدى كۇدىكتى دەپ تاپتى. ول وسىدان بۇرىن اتالعان ورتا مەكتەپتە وقىعان، تارتىپ بۇزعانى ءۇشىن مەكتەپتەن قۋىلعان ەكەن. قاۋىپسىزدىك قىزمەتكەرلەرى كرۋستىڭ مەكتەپ سىرتىندا ءۇش ادامدى ءولتىرىپ، كەيىن مەكتەپ عيماراتىنا باسىپ كىرىپ 12 ادامدى اتىپ ولتىرگەنىن، شابۋىلدا اتىس قارۋن قولدانعانىن ايتىپ بەرگەن. جارالانعانداردىڭ ەكەۋى اۋرۋحانادا جان ۇزگەن. شابۋىلدان ءتۇرلى جاراقات العان 17 ادام اۋرۋحاناعا جەتكىزىلگەن.

پوليتسيا قىزمەتكەرلەرى وقيعانىڭ سەبەبى مەن بارىسىنا قاتىستى تەكسەرۋ وپەراتسياسىن اياقتاپ بولمادى.

بۇل وقيعا كوننەكتيكۋت شتاتىنداعى مەكتەپتە بولعان اتىس وقيعاسىنان كەيىن قۇراما شتاتتاعى مەكتەپكە جاسالعان شابۋىلدار اراسىندا ادام ەڭ كوپ ولگەن وقيعا بولىپ سانالادى. 2012 جىلى كوننەكتيكۋت شتاتىنداعى مەكتەپتە جاسالعان شابۋىلدا 20 ادام قازا بولعان.

“The Qazaq Times”