رەسەيدىڭ تاجىكستانداعى اسكەري كۇشتەرى. فوتو: blackholezoo.com.

 

رەسەي ءسىم-ءنىڭ مالىمەتىنە قاراعاندا، ماسكەۋ تارابى قىرعىزستان مەن تاجىكستانداعى اسكەري بازالارىن نىعايتۋدا. ونىڭ سەبەبىن اۋعانستانداعى تەررورلىق توپتاردىڭ كۇشەيۋىنە بايلانىستى دەپ تۇسىندىرگەن. بۇل تۋرالى «شينلاڭ» اقپاراتتىق سايتى جازدى.

حابارعا قاراعاندا بۇل تۋرالى مالىمدەمەنى رەسەي ءسىم-ءنىڭ تمد ەلدەرى جونىندەگى كەڭەستىڭ توراعاسى الەكساندر ستەرنيك مالىمدەگەن. ول سوزىندە: «قازىر رەسەي جاق تمد ەلدەرىنىڭ شەكارالىق قاۋىپسىزدىگىن نىعايتۋدى قولعا الدى. اسىرەسە رەسەي مەن ورتا ازيا ەلدەرىنىڭ وڭتۇستىگىندەگى اۋعانستان جاعدايىنا باسا نازار اۋدارىپ وتىر. ءسۇريا مەن يراكتان جەڭىلىس تاپقان دايش كۇشتەرى قازىر اۋعانستان جەرىنە توپتاسۋدا. دەسە دە، ولار رەسەي كۇشتەرىنىڭ نازارىندا»، – دەدى. ول جانە رەسەي وزىنە سەرىكتەس ەلدەردىڭ قاۋىپسىزدىك كۇشتەرىن جاتتىعۋدان وتكىزىپ، ماڭىزدى شەكارالارىن قورعاۋعا كومەكتەسىپ وتىرعانىن ايتادى.

الەكساندر ستەرنيكتىڭ ايتۋىنشا اتالعان ماقساتتارعا جەتۋ ءۇشىن رەسەيدىڭ تاجىكستانداعى №201 اسكەري بازاسىنىڭ جاڭارتىلىپ جاتىر. وعان قوسا قىرعىزستانداعى اۋە بازاسىن دا نىعايتىپ، قاۋىپسىزدىك تالاپتارىنا ساي ەتىلمەك ەكەن.

“The Qazaq Times”