فوتو: White Helmets

اقش ءسۇريا ۇكىمەتىن "جەرگىلىكتى حالىققا قارسى حيميالىق قارۋ قولداندى" دەپ ايىپتادى. اقش مەملەكەتتىك دەپارتامەنتىنىڭ رەسمي وكىلى حيزەر نويەرت شىعىس گۋتادا ۇكىمەت اسكەرى حلورلى گاز قولدانعانىن مالىمدەدى. بۇل تۋرالى ءال-جازيرا اقپاراتتىق اگەنتتىگى جازدى. 

حيزەر نويەرت ءوزىنىڭ تۆيتتەر پاراقشاسىندا: "رەسەي ءوز ىقپالىن پايدالانىپ، ءسۇريانىڭ ارەكەتىنە توسقاۋىل بولماۋ ارقىلى دۇرىس تاڭداۋ جاساعان جوق. ءوز حالقىنا قارسى حيميالىق قارۋ قولدانۋ - ار-وجدانعا قايشى كەلەتىن ارەكەت" دەپ جازدى. رەسەي ءسۇريا ۇكىمەتىنىڭ جاقىن وداقتاسى رەتىندە وسىعان دەيىن وڭىردەگى حيميالىق قارۋ قولدانىسىن زەرتتەۋ تۋرالى بۇۇ-نىڭ رەزوليۋتسياسىنا ۆەتو قۇقىعىن پايدالانىپ، توقتاۋ سالعان ەدى.

شىعىس گۋتا - سۇرياداعى باسقىنشى توپتاردىڭ قول استىنداعى اۋماقتاردىڭ ءبىرى. 2013 جىلدان بەرى ءسۇريا ۇكىمەتىنىڭ شابۋىلىنا ۇشىراپ كەلەدى. بۇل ايماقتا 400 مىڭ ادام تۇرادى جانە جەرگىلىكتى حالىق ازىق-تۇلىك تاپشىلىعى مەن ءدارى-دارمەك جەتىسپەۋشىلىگىنەن زارداپ شەگىپ وتىر. جۋىردا ۆەنادا وتكەن كەزدەسۋ كەزىندە جاسالعان شىعىس گۋتادا وق اتپاۋ تۋرالى كەلىسىم نەبارى بىرنەشە ساعاتقا قانا سوزىلعان.

 “The Qazaq Times”