يزرايل پرەمەرى ەل ۇكىمەتىنىڭ يەرۋساليمگە اۋىساتىنىن مالىمدەدى

ءيزرايلدىڭ پرەمەر-ءمينيسترى بەنيامين نەتانياحۋ اقش پرەزيدەنتىمەن كەلىسوز جۇگىزگەننەن كەيىن يەرۋساليم بەيبىت كەلىسىم بويىنشا ءوز ەلىنىڭ استاناسى بولىپ قالا بەرەتىنىن ايتتى، دەپ حابارلايدى روسبلات. 

ول داۆوستا وتكەن ەكونوميكالىق فورۋم كەزىندە يەرۋساليمدە يزرايل ۇكىمەتىنىڭ  شتاب پاتەرى بولاتىنىن مالىمدەگەن. بۇدان بولەك ول پالەستينامەن بەيبىت كەلىسىمگە قول جەتكىزۋدى جانە وسى ءۇشىن كۇش-جىگەرىن جۇمساپ جاتقان اقش-تى قولداۋعا دايىن ەكەندىگىن اتاپ ءوتتى.

"كەز كەلگەن بەيبىت كەلىسىم بويىنشا يەرۋساليم ءيزرايلدىڭ استاناسى بولىپ قالا بەرەدى جانە ءبىزدىڭ ۇكىمەتتىڭ شتاب پاتەرى سوندا ورنالاسادى", - دەدى نەتانياحۋ.

ايتا كەتەيىك، بۇعان دەيىن اقش-تىڭ ۆيتسە-ءمينيسترى مايك پەنس يزرايلگە رەسمي ساپارىن اياقتاپ، پرەزيدەنت دونالد ترامپتىڭ يەرۋساليمدى ءيزرايلدىڭ استاناسى دەپ مويىنداعان مالىمدەمەسىن راستادى. سونداي-اق، امەريكا ەلشىلىگىن تەل-اۆيۆتەن يەرۋساليمگە كوشىرۋ جۇمىسى 2019 جىلدىڭ سوڭىنا قاراي اياقتالاتىنىن حابارلاعان ەدى.

“The Qazaq Times”