فرانتسيا ساۋدا-ەكونوميكالىق بايلانىستاردا قىتاي مەن رەسەيگە بەت بۇردى

فرانتسيانىڭ ترانساتلانتيكالىق ساۋداداعى قىزىعۋشىلىعى تومەندەي باستادى. فرانتسيانىڭ ساۋدا جانە قارجى ءمينيسترى برۋنو مايرە (Bruno Maire) مالىمدەمە جاساعان كەزدە، فرانتسۋز ەلىنىڭ قىتاي جانە رەسەيمەن ساۋدا بايلانىستاردى كەڭەيتىپ، قۇراما شتات جانە ۇلىبريتانيامەن بولعان ساۋدا بايلانىستارىن قىسقارتۋعا مۇددەلى ەكەنىن ايتتى. بۇل تۋرالى «WSJ» باسىلىمىنىڭ رەسمي سايتى حابارلادى.

ۇلىبريتانيانىڭ ەو-دان باس تارتۋى، دونالد ترامپتىڭ قۇراما شتات پرەزيدەنتى بولۋى جانە ونىڭ «امەريكا كوشباسشى» ساياساتىن جولعا قويۋى سىندى ساياسي وزگەرىستەر، ەۋرووداقتىڭ نەگىزگى كۇشتەرىن جاڭا ەكونوميكالىق باعىتقا يتەرمەلەدى. شىن مانىسىندە ەو-نىڭ نەگىزگى تىرەكتەرى ەكىنشى دۇنيە جۇزىلىك سوعىستان كەيىن العاش رەت ءوز ەكونوميكاسىنا قايتا باعالاۋ جاساپ جاتقانىن اڭعارامىز.

برۋنو مايرە سوزىندە: «فرانتسيا قازىر ەكسكليۋزيۆتى ترانساتلانتيكالىق ساۋدا قارىم-قاتىناستار باسشىلىق ەتكەن، تەڭەستىرىلگەن الەمدىك كەڭىستىككە اينالىپ كەتتى. ەندىگى فرانتسيانىڭ ماقساتى ەۋروپامەن جالعاسقان رەسەيدىڭ، ودان ارى قىتايدى بايلانىستىراتىن ساۋدا جولىن قۇرۋ»، – دەدى.

فرانتسيانىڭ جاس پرەزيدەنتى ەممانۋەل ماكرون قاڭتار ايىندا قىتايداعى ساپارى كەزىندە جانە مامىر ايىندا پەتەربوردا وتەتىن ەكونوميكالىق فورۋم كەزىندە وسى ماقساتتى جۇزەگە اسىرۋ ءۇشىن العاشقى قادامداردى جاسايدى.

“The Qazaq Times”