جۇيەلەردى اۆتوماتتاندىرۋ جانە روبوتتاندىرۋ الداعى ون جىل ىشىندە باستى تەندەنتسياعا اينالادى، دەپ حابارلايدى lenta.ru McKinsey كونسالتينگتى كومپانياسىنىڭ بايانداماسىنا سىلتەمە جاساپ.
ال وسىنداي تەحنولوگيالىق وزگەرىستەردەن كەيىن جاھاندىق ەڭبەك نارىعىندا 375 ملن جۇمىس ورنى جوعالۋى مۇمكىن. ءتىپتى باياندامادا قازىرگى كەزدە بار ماماندىقتىڭ 30 پايىزىنىڭ قىزمەتى اۆتوماتتاندىرىلاتىنى ايتىلعان. قازىرگى كەزدە دامىعان ەلدەر اقش پەن گەرمانيادا اۆتوماتتاندىرۋ مۇمكىندىگى 24-23 پايىزدى قۇرايدى، ال قىتايدا بۇل كورسەتكىش - 16 پايىز.
وسى جىلدىڭ قىركۇيەك ايىندا Citigroup كومپانياسىنىڭ باس ديرەكتورى ۆيكرام پانديت روبوتتاندىرۋ ارقىلى الداعى 5 جىلدا الەمدىك بانك سەكتورلارى جۇمىس ورىندارىنىڭ 30 پايىزىن قىسقارتاتىنىن مالىمدەگەن. مىسالى اقش-تا 770 مىڭ، ەۋروپادا شامامەن ميلليونعا جۋىق قىزمەتكەر جۇمىستان بوساتىلۋى مۇمكىن.
ايتا كەتەيىك، وسى جىلدىڭ ماۋسىم ايىندا ەكونوميكا بويىنشا نوبەل سىيلىعىنىڭ لاۋرەاتى كريستوفەر پيسساريدەس روبوتتاندىرۋ جانە اۆتماتتاندىرۋ ءححى عاسىر ەكونوميكاسى ءۇشىن تونگەن ۇلكەن قاۋىپ بولاتىنىن ايتقان.
