ساۋد ارابياسىندا پاتشاعا ءتىل تيگىزۋ «تەرروريزمنىڭ كورىنىسى» دەپ باعالاناتىن بولدى

Human Rights Watch ساۋد ارابياسىندا وسى ايدىڭ باسىندا قابىلدانعان "تەرروريزمگە قارسى كۇرەس تۋرالى" زاڭدى سىنعا الدى. ۇيىم قىزمەتكەرلەرى پاتشا مەن ونىڭ زاڭدى مۇراگەرىنە ءتىل تيگىزگەن ازاماتتى 10 جىلعا دەيىن اباقتىعا جابۋ جازاسىن قاراستىراتىن جاڭا زاڭ بيلىك وكىلدەرىنىڭ ءوز قارسىلاستارىنا قارسى قولدانار قۇرالىنا اينالىپ كەتەدى دەپ كۇدىكتەنەدى. بۇل تۋرالى ءال-جازيرا اقپاراتتىق اگەنتتىگى جازدى. 

Human Rights Watch ۇيىمىنىڭ تاياۋ شىعىستاعى جەتەكشىسى سارا ۋيتسون ساۋد ارابياسىنىڭ باسشىلارى قازىردىڭ وزىندە وزدەرىنە قاتىستى سىني پىكىر بىلدىرگەندەرگە توسقاۋىل بولۋدىڭ نەشە ءتۇرلى شارالارىن قولدانىپ وتىرعانىن ايتادى. وسىدان بۇرىن بۇۇ-نىڭ وكىلى بلگگەر، جۋرناليستەر مەن جازۋشىلاردىڭ قاۋىپسىزدىگىن قامتاماسىز ەتۋ ءۇشىن ساۋد ارابياسىنىڭ بيلىگىنە "تەرروريزم" ۇعىمىن كەڭ ماعىنادا قاراستىرۋدى توقتاتۋ تۋرالى ەسكەرتۋ جاساعان بولاتىن. ساراپشىلاردىڭ پىكىرىنشە، 33 جاستاعى حانزادا مۇحاممەد بين سالمان ءوز بيلىگىن نىعايتۋعا بار كۇشىن سالىپ جاتقانىن اتاپ ءوتتى.

2014 جىلى قابىلدانعان "تەرروريزمگە قارسى كۇرەس تۋرالى" زاڭنىڭ جاڭا نۇسقاسىن قابىلداۋ پروتسەسى ساۋد ارابياسىنداعى شەنەۋنىكتەردى جەمقورلىق ءۇشىن جاپپاي تۇتقىنداۋ شاراسىمەن تۇسپا-تۇس كەلدى. ادام قۇقىقتارىنىڭ ساقتالۋى جونىنەن سوڭعى ورىنداردى الاتىن ساۋد ارابياسى Human Rights Watch ۇيىمىنىڭ مالىمدەمەسىنە رەسمي جاۋاپ بەرگەن جوق.

“The Qazaq Times”