USS رونالد رەيگان. فوتو: WSJ.

بۇگىن تۇستەن بۇرىن جاپون ارالدارىنىڭ وڭتۇستىگىندەگى سۋ ايدىنىندا، 11 ەكيپاج مۇشەلەرى وتىرعان اقش تەڭىز قارۋلى كۇشتەرىنىڭ ۇشاعى اپاتقا ۇشىرادى. بۇل تۋرالى «WSJ» باسىلىمى حابارلادى.

اقش-تىڭ اسكەري-تەڭىز كۇشتەرى مالىمدەمەسىندە ىزدەستىرۋ-قۇتقارۋ وپەراتسياسى بويىنشا قازا بولعاندار تۋرالى ناقتى مالىمەت ايتىلمادى. دەگەنمەن، جاپونيا قورعانىس مينيسترلىگىنىڭ مالىمەتىندە، اپاتقا ۇشىراعان ۇشاقتان 8 ادامنىڭ قۇتقارىلعانىن ايتتى.

اقش اسكەري-تەڭىز كۇشتەرىنىڭ مالىمەتىندە اپاتقا ۇشىراعان ۇشاقتىڭ فيليپپين تەڭىزىندەگى اسكەري مىندەتتى وتەۋ ءۇشىن «USS رونالد رەيگان» ۇشاق تاسىمالداۋشى كەمەدەن اۋەگە كوتەرىلگەنى ايتىلعان. جاپونيانىڭ قورعانىس ءمينيسترى ونۋنورا يتۋنوري بۇقارالىق اقپارات قۇرالدارىنا جاساعان مالىمدەمەسىنە سەنسەك، اپاتقا ۇشىراعان ۇشاق اقش-تىڭ «س-2» اتتى تاسىمال ۇشاعى ەكەنىن، وكينوتوتيشيمادان 150 شاقىرىم سولتۇستىك-باتىس اۋماقتا سۋعا قۇلاعان. العاشقى تەكسەرۋ ناتيجەسىنە قاراعاندا ۇشاقتىڭ قوزعالتقىشىنىڭ ىستەن شىعۋى اپاتتى جاعدايعا سەبەپ بولعان.

“The Qazaq Times”