رەسەيدە «ۇشتىك سامميت» باستالادى

بۇگىن سوچي قالاسىندا رەسەي، يران جانە تۇركيانىڭ قاتىسۋىمەن ءسۇريا ماسەلەسى بويىنشا "ۇشتىك سامميت" باستالادى. بۇل 28 قاراشادا جەنەۆادا وتەتىن ءسۇريا كەلىسسوزدەرى قارساڭىندا ۇيىمداستىرىلعان جالعىز شارا ەمەس. ءدال وسى كۇنى ساۋد ارابياسى رەسەيمەن قاتار ەر-ريادتا ءسۇريانىڭ وپپوزيتسيا وكىلدەرىنە ارنالعان باسقوسۋ وتكىزەدى. بۇل تۋرالى APF اقپاراتتىق اگەنتتىگى جازدى. 

وسىدان بۇرىن اتالعان ءۇش مەملەكەت استانادا وتكەن ءسۇريا كەلىسسوزدەرىنە دەمەۋشىلىك ەتكەن ەدى. جەتى راۋندتان تۇراتىن كەلىسسوزدەر ناتيجەسىندە ءسۇريادا ءتورت دەسكالاتسيالىق زونا قۇرىلىپ، ول اۋدانداردا وق اتۋ توقتاتىلدى. تاراپتار كەزدەسۋ بارىسىندا كرەمل ۇسىنعان ءسۇريا ۇكىمەتى مەن وپپوزيتسياسىن ماسكەۋدە ءبىر ۇستەل باسىنا وتىرعىزۋ تۋرالى ۇسىنىسىن تالقىلايدى. بۇل يدەيا استانادا وتكەن باسقوسۋدا ايتىلعان بولاتىن.

رەسەيلىك ساراپشى الەكسەي مالاشەنكو رەسەي ۇيىمداستىرعان "ۇشتىك سامميت" ماسكەۋ ءۇشىن جەنەۆا كەلىسسوزدەرىنىڭ الدىندا وزىنە وداقتاستار تابۋدىڭ امالى دەپ ەسەپتەيدى. اسىرەسە بۇرىن باشار اسادتىڭ ۇكىمەتىنە تۇبەگەيلى قارسى بولعان تۇركيا پرەزيدەنتىنىڭ ەندى كۇشەيىپ كەلە جاتقان كۇردتەردەن ساقتانىپ، قارىم-قاتىناسىن جۇمسارتا تۇسكەنىن ەسكەرىپ، ولارعا كەلىسىمگە كەلەتىن نۇكتەلەر جەتكىلىكتى دەگەن بولجام جاساۋعا بولادى.

“The Qazaq Times”