فوتو: گازەتا رۋ

دونالد ترامپ ازياعا ساپارىنان كەيىن سولتۇستىك كورەياعا قارسى بۇكىلالەمدىك قىسىم كۇشەيەتىنىن حابارلاپ، ءوزىنىڭ ەكى اپتاعا سوزىلعان ازيالىق ساپارى بارىسىندا وسى ماسەلەدە سەرىكتەستەردىڭ ءرولىن كۇشەيتۋگە كۇش سالعانىن اتاپ ءوتتى. رەسمي ساپارىنان ورالعاننان كەيىن بەرگەن سۇحباتى بارىسىندا اقش پرەزيدەنتى سولتۇستىك كورەياعا بۇكىل الەمگە يادرولىق قارۋ ارقىلى قورقىنىش پەن ۇرەي ۇستىندە ۇستاۋعا جول بەرمەيتىنىن ايقىن تۇسىندىرگەنىن ايتتى. بۇل تۋرالى APF اقپاراتتىق اگەنتتىگى جازدى. 

سونداي-اق، اقش-تىڭ مەملەكەت باسشىسى قىتايدىڭ سولتۇستىك كورەيامەن ەكونوميكالىق بايلانىستارىن ءبىرجولا ءۇزىپ، وعان قارسى نارىقتىق تەتىكتەردى پايدالانۋ جونىندەگى ۇسىنىستارى قولداۋ تاپقانىن جەتكىزدى. "شي مىرزا سولتۇستىك كورەيانىڭ قىتاي ءۇشىن ۇلكەن قاۋىپ ەكەنىن مويىنداپ وتىر", - دەدى ول ءوز سوزىندە.

سەناتور دەموكرات ەدۆارد ماركەي دونالد ترامپ ازياعا ساپارى بارىسىندا قاۋىپسىزدىك پەن ەكونوميكا سالاسىنداعى ماڭىزدى كەلىسسوزدەرگە قول جەتكىزە الماعانىن ايتادى.

"دونالد ترامپ جاپونيا مەن وڭتۇستىك كورەيانىڭ سولتۇستىك كورەياعا قارسى كۇش بىرىكتىرۋ تۋرالى ۇشجاقتى كەلىسىمدەرگە كەلۋ جونىندەگى ۇسىنىستارىن قاراستىرۋدىڭ ورنىنا تۆيتتەردە ءوزىنىڭ پيوڭياڭمەن قانشا رەت دوس بولۋعا تىرىسقانى تۋرالى جازىپ وتىردى", - دەيدى ول.

“The Qazaq Times”